ការប៉ះទង្គិចគ្នាបានផ្ទុះឡើង រវាងក្រុមបាតុករគាំទ្រ និងប្រឆាំងរដ្ឋាភិបាល នៅទីក្រុង Belgrade កាលពីថ្ងៃពុធ ទី២៧ វិច្ឆិកា ខណៈកំហឹងជាសាធារណៈនៅតែមានកម្រិតខ្ពស់ បន្ទាប់ពីមនុស្ស ១៥ នាក់បានស្លាប់ នៅពេលដំបូលបាក់រលំនៅស្ថានីយ៍រថភ្លើងមួយកន្លែង កាលពីដើមខែវិច្ឆិកា។

សភាគណបក្សប្រឆាំង បាននិយាយថា ការតវ៉ាដែលត្រូវបានអំពាវនាវដោយក្រុមប្រឆាំង ក្នុងការប្រឆាំងទៅនឹងការរុះរើស្ពានក្នុងរដ្ឋធានីប្រទេសស៊ែប៊ី និងជុំវិញការចោទប្រកាន់របស់ពួកគេពីអំពើពុករលួយរបស់រដ្ឋាភិបាល ត្រូវបានរំខានដោយក្រុមអ្នកគាំទ្រមកពីគណបក្សកាន់អំណាច។

សមាជិកសភាគណបក្សប្រឆាំង លោក Marinka Tepic បាននិយាយទៅកាន់ប្រព័ន្ធផ្សព្វផ្សាយថា «ពួកគេចាប់ផ្តើមទាត់ធាក់យើង ពួកគេចាប់ផ្តើមទម្លាយការបិទផ្លូវ ក្នុងគោលបំណងបង្រ្កាបពួកយើង»។

មេដឹកនាំគណបក្សប្រឆាំង និងសាធារណជន បានចេញធ្វើបាតុកម្មម្តងហើយម្តងទៀត ដោយដាក់កំហុសការបាក់រលំដំបូលនៅស្ថានីយ៍រថភ្លើងនៅទីក្រុង Novi Sad ភាគខាងលិច ថាជាអំពើពុករលួយរបស់រដ្ឋាភិបាល និងបក្ខពួកនិយម បណ្តាលឱ្យមានសំណង់មិនរឹងមាំ។

ក្រុមចម្រុះដែលកំពុងកាន់អំណាច បានច្រានចោលការចោទប្រកាន់ទាំងនេះ ប៉ុន្តែប្រធានាធិបតី លោក Aleksandar Vucic បាននិយាយថា អ្នកទទួលខុសត្រូវ ត្រូវតែនាំយកមកកាត់ទោស។