នៅទីក្រុង Ballaghaderreen ប្រទេសអៀរឡង់ ប្រពៃណីដ៏យូរអង្វែងនៃការស្វាគមន៍ជនអន្តោរប្រវេសន៍ កំពុងជួបបញ្ហាប្រឈមធ្ងន់ធ្ងរ នៅមុនការបោះឆ្នោតសកលក្នុងសប្តាហ៍នេះ ជាលើកដំបូងដែលឃើញគណបក្សនយោបាយធំៗរបស់ប្រទេស កំពុងប្រជែងគ្នាយ៉ាងតានតឹងបំផុតលើបញ្ហាជនអន្តោប្រវេសន៍។

ទីក្រុង Ballaghaderreen តែងតែជាសហគមន៍ល្អ ពលរដ្ឋល្អ។ ប៉ុន្តែជាអកុសល អ្វីដែលបានកើតឡើងក្នុងរយៈពេលប៉ុន្មានឆ្នាំចុងក្រោយនេះ ទីក្រុងBallaghaderreen បានក្លាយទៅជាទីក្រុងដែលមានបញ្ហាច្រើន លើហេដ្ឋារចនាសម្ព័ន្ធ និងកង្វះការអភិវឌ្ឍន៍។

ប្រទេសអៀរឡង់ មានមោទនភាពជាយូរណាស់មកហើយ ក្នុងការទទួលយកជនអន្តោប្រវេសន៍ ប៉ុន្តែ បានរង្គោះរង្គើក្នុងរយៈពេលពីរឆ្នាំចុងក្រោយនេះ ដោយមានកុប្បកម្មប្រឆាំងជនអន្តោប្រវេសន៍នៅទីក្រុង Dublin និងការតវ៉ាប្រឆាំងនឹងកន្លែងស្នាក់នៅរបស់ជនភៀសខ្លួននៅជុំវិញប្រទេសនេះ។

ការបោះឆ្នោតជាតិ ធ្វើឡើងខណៈជនភៀសខ្លួនអ៊ុយក្រែនជាង១០០.០០០នាក់ បានទៅដល់ប្រទេសអៀរឡង់ ហើយក្នុងពេលមានការកើនឡើងនៃអ្នកស្វែងរកសិទ្ធិជ្រកកោន។