ប្រព័ន្ធផ្សព្វផ្សាយរដ្ឋបានរាយការណ៍កាលពីថ្ងៃព្រហស្បតិ៍ ២៨ ខែវិច្ឆិកា ថាការធ្លាក់ព្រិលដំបូងនៅឆ្នាំនេះ បានគ្របដណ្ដប់ពាសពេញទីក្រុងព្យុងយ៉ាង និងតំបន់ជុំវិញ ដោយតំបន់មួយចំនួនបានជួបប្រទះ ការធ្លាក់ព្រិលខ្លាំងជាងធម្មតា ។

ទូរទស្សន៍ KRT គ្រប់គ្រងដោយរដ្ឋរបស់កូរ៉េខាងជើង បានបង្ហាញពីផ្លូវ និងអគារ ត្រូវបានគ្របដណ្តប់ដោយព្រិលនៅក្នុងទីក្រុង Pyongyang ខេត្ត Hwanghae និងខេត្ត Nampho ដែលបានថតនៅចន្លោះថ្ងៃទី២៦ដល់២៨ ខែវិច្ឆិកា សប្ដាហ៍នេះ។

ទន្ទឹមនឹងការធ្លាក់ព្រិលលើកដំបូងនៅក្នុងទីក្រុងព្យុងយ៉ាង ដែលជាធម្មតាកើតឡើងនៅដើមខែវិច្ឆិកា ព្រិលនៅឆ្នាំនេះ បានមកដល់យឺតជាងធម្មតា ហើយមានច្រើនជាងធម្មតាដែរ នេះបើយោងតាមក្រុមអ្នកជំនាញ។

ស្រុក Kangnam ក្នុងទីក្រុងព្យុងយ៉ាង បានកត់ត្រាការធ្លាក់ព្រិលខ្លាំងបំផុត ដោយមានព្រិលធ្លាក់ កម្រាស់២៦ សង់ទីម៉ែត្រនៅចន្លោះថ្ងៃពុធ ទី២៧ ខែវិច្ឆិកា ដល់ថ្ងៃព្រហស្បតិ៍២៨វិច្ឆិកាសប្ដាហ៍នេះ ។

យោងតាមប្រព័ន្ធផ្សព្វផ្សាយរដ្ឋ ព្រិលធ្លាក់ខ្លាំងក៏ត្រូវបានរាយការណ៍ផងដែរនៅក្នុងខេត្ត Hwanghae ខាងត្បូង និងខាងជើង និងទីក្រុង Nampo ។

គួរកត់សម្គាល់ថា តំបន់ Samchon តំបន់ Ongjinតំបន់ An-yang និងតំបន់ទន្លេ Uryong បានមើលឃើញព្រិលធ្លាក់កម្រាស់ជាង៤០ សង់ទីម៉ែត្រ ៕