អ្នកស្រុករាប់រយនាក់ រួមមានទាំងស្ត្រី បានចេញធ្វើបាតុកម្មតាមដងផ្លូវនៅក្នុងរដ្ឋ ម៉ានីពួរ(Manipur) ភាគឦសានប្រទេសឥណ្ឌា ដើម្បីទាមទារយុត្តិធម៌សម្រាប់ជនរងគ្រោះនៃអំពើហិង្សាលើជនជាតិភាគតិច និងឲ្យលុបចោលភ្លាមៗនូវច្បាប់អំណាចពិសេសរបស់កងកម្លាំងប្រដាប់អាវុធ (AFSPA)។

ដោយត្រូវបានអនុម័តដោយសភាប្រទេសឥណ្ឌា ក្នុងឆ្នាំ១៩៥៨ ច្បាប់អំណាចពិសេសរបស់កងកម្លាំងប្រដាប់អាវុធ (AFSPA) ដំបូងត្រូវបានបង្កើតឡើងដើម្បីគាំទ្រដល់កងកម្លាំងប្រដាប់អាវុធដែលព្យាយាមរក្សាសណ្តាប់ធ្នាប់នៅក្នុងផ្នែកណាមួយនៃរដ្ឋនៅភាគឦសានរដ្ឋ Assam និងរដ្ឋ Manipur ដែលត្រូវបានកំណត់ថាជា «តំបន់រងការរំខាន»។

នៅពេលដែលអាជ្ញាធររដ្ឋាភិបាល ប្រកាសផ្នែកណាមួយជា «តំបន់រងការរំខាន» ច្បាប់អំណាចពិសេសរបស់កងកម្លាំងប្រដាប់អាវុធ (AFSPA) អនុញ្ញាតឱ្យបុគ្គលិកកងកម្លាំងប្រដាប់អាវុធ ប្រើប្រាស់កម្លាំង បន្ទាប់ពីការព្រមាន «ទោះបីបណ្តាលឱ្យមានមនុស្សស្លាប់ក៏ដោយ» រួមជាមួយនឹងអាជ្ញាធរ ដើម្បីចាប់ខ្លួនអ្នកដែលមានការសង្ស័យសមហេតុផល។

ក្រុមអ្នកតវ៉ា បានទាមទារថា ច្បាប់នេះ គួរតែត្រូវបានដកចេញពីរដ្ឋ ដោយសារតែរដ្ឋាភិបាលឥណ្ឌា ពុំអាចទប់ស្កាត់អំពើហិង្សាក្នុងរដ្ឋនេះបាន រយៈពេល១៧ខែកន្លងទៅនេះ។

រដ្ឋដែលមានប្រជាជនចំនួន៣,២លាននាក់ មានព្រំប្រទល់ជាប់សហភាពមីយ៉ាន់ម៉ា បានរងការវាយប្រហារដោយអំពើហិង្សាថ្មីកាលពីសប្តាហ៍កន្លងទៅនេះ ជាផ្នែកនៃជម្លោះយូរអង្វែង រវាងសហគមន៍ជនជាតិភាគតិច Kuki និង Meitei ។

ការបង្ហូរឈាម បានសម្លាប់មនុស្សយ៉ាងហោចណាស់២៥០ នាក់ និងបានជម្លៀសមនុស្ស ៦០.០០០នាក់ នៅក្នុងតំបន់នេះ ចាប់តាំងពីខែឧសភា ឆ្នាំមុន។