លោក Philippe Lazzarini អគ្គស្នងការនៃទីភ្នាក់ងារជំនួយ និងការងាររបស់អង្គការសហប្រជាជាតិសម្រាប់ជនភៀសខ្លួនប៉ាឡេស្ទីន នៅតំបន់ដើមបូព៌ា (UNRWA) បាននិយាយថា អ្នកស្រុកជាង ១៣០.000នាក់នៃតំបន់ហ្កាហ្សាស្ទ្រីបភាគខាងជើង ត្រូវភៀសខ្លួនចេញពីផ្ទះសម្បែងរបស់ពួកគេ ក្នុងរយៈពេលប៉ុន្មានសប្តាហ៍ កន្លងទៅនេះ។

ការិយាល័យអង្គការសហប្រជាជាតិសម្រាប់ការសម្របសម្រួលកិច្ចការមនុស្សធម៌ (OCHA) បានដកស្រង់សម្តីលោក ដែលបាននិយាយថា៖«ប្រតិបត្តិការយោធាដែលកំពុងបន្តនៅភាគខាងជើង បានជម្លៀសមនុស្ស ១៣០.000នាក់ក្នុងរយៈពេល ៧សប្តាហ៍ កន្លងទៅ។

ភាពតានតឹង បានផ្ទុះឡើងម្តងទៀតនៅមជ្ឈិមបូព៌ានៅថ្ងៃទី 0៧ ខែតុលា ឆ្នាំ ២០២៣ នៅពេលដែលក្រុមយុទ្ធជនមកពីចលនាបដិវត្តន៍ប៉ាឡេស្ទីនហាម៉ាសដែលមានមូលដ្ឋាននៅតំបន់ហ្កាហ្សាស្ទ្រីប បានធ្វើការវាយប្រហារដ៏គួរឲ្យភ្ញាក់ផ្អើលមួយលើទឹកដីអ៊ីស្រាអែលពីតំបន់ហ្កាហ្សា ដោយបានសម្លាប់អ្នកស្រុករស់នៅតាមព្រំដែនអ៊ីស្រាអែល និងចាប់ចំណាប់ថ្នូរជាច្រើននាក់។ ជាការឆ្លើយតប អ៊ីស្រាអែល បានបើកប្រតិបត្តិការយោធា នៅក្នុងដែនដីប៉ាឡេស្ទីន ដើម្បីកម្ទេចក្រុមយោធា និងសមាជិកនយោបាយរបស់ក្រុមហាម៉ាស និងដោះលែងចំណាប់ថ្នូរទាំងអស់។