រដ្ឋញូវយ៉ក និងរដ្ឋជាច្រើនទៀតនៅសហរដ្ឋអាមេរិក បានជួបព្រិលធ្លាក់ខ្លាំង ក្រោមឥទ្ធិពលបឹងកាលពីថ្ងៃសៅរ៍ម្សិលមិញ ។

 យោងតាមការអះអាងរបស់សេវាកម្មឧតុនិយមជាតិ បានឲ្យដឹងថា ឥទ្ធិលបឹងបានកើតមានពេលខ្យល់ត្រជាក់ធ្វើដំណើរឆ្លងកាត់ទឹកនៅតំបន់បឹង Great Lakes ។

ទូរទស្សន៍ ABC News បានរាយការណ៍ពីការប្រកាសអាសន្នរដូវរងានៅតាមតំបន់ជាច្រើនក្នុងរដ្ឋ Wisconsin, Michigan, Ohio, Pennsylvania និងរដ្ឋញូវយ៉ក សម្រាប់ចុងសប្តាហ៍នេះ ។

រូបភាពវីដេអូឃ្លីបដែលបានបង្ហោះនៅលើគេហទំព័រសង្គមឃើញបុរសម្នាក់បោសសម្អាតព្រិលតាមផ្លូវក្នុងតំបន់រស់នៅអ្នកស្រុក ស្ថិតក្នុងទីក្រុង Erie រដ្ឋ Pennsylvania បន្ទាប់ពីព្រិលធ្លាក់ខ្លាំង ។

សេវាកម្មឧតុនិយមជាតិ បានចេញការព្រមានព្រិលបង្កឡើងដោយឥទ្ធិពលបឹងសម្រាប់ទីក្រុង Erie រហូតដល់ថ្ងៃអង្គារ ស្របពេលដែលទីក្រុងមួយនេះ ប្រឈមនឹងព្រិលធ្លាក់កាន់តែខ្លាំង និងផលប៉ះពាល់ដល់ការធ្វើដំណើរ ៕