លោក Tobias Linder រដ្ឋមន្ត្រីក្រសួងការបរទេសអាល្លឺម៉ង់ បាននិយាយថា ប្រទេសអ៊ីស្រាអែល មិនមាន លេស ក្នុងការរារាំងចំពោះការបញ្ជូនជំនួយមនុស្សធម៌ ទៅកាន់តំបន់ហ្កាហ្សាស្ទ្រីបនោះទេ។

ក្រសួងការបរទេសអាល្លឺម៉ង់ បានដកស្រង់សម្តីលោកនៅមុនដំណើរទស្សនកិច្ចរបស់លោកទៅប្រទេស   អេហ្ស៊ីបថា៖«ថ្ងៃនេះ យើងត្រូវការកិច្ចព្រមព្រៀងជាចំាបាច់នូវការដោះលែងចំណាប់ថ្នូរនិងបទឈប់បាញ់ជាបន្ទាន់។ ការប្រយុទ្ធគ្នាយ៉ាងខ្លាំងក្លា ត្រូវតែបញ្ចប់ ហើយការបិទតំបន់ហ្កាហ្សាស្ទ្រីបភាគខាងជើង នឹងត្រូវដកចេញ»។ 

យោងតាមអ្នកនយោបាយអាល្លឺម៉ង់រូបនេះ បានឲ្យដឹងថា ពេលនេះ អ៊ីស្រាអែលត្រូវតែបំពេញតាមការសន្យារបស់ខ្លួន និងធានាលទ្ធភាពមនុស្សធម៌ឲ្យបានគ្រប់គ្រាន់ ទៅកាន់តំបន់ហ្កាហ្សាស្ទ្រីប នៅពេលណាក៏ដោយ។ លោកបានសង្កត់ធ្ងន់ថា៖«មិនមានហេតុផលសម្រាប់ការរារាំងចំពោះការបញ្ជួនជំនួយមនុស្សធម៌ទេ។ សិទ្ធិការពារខ្លួនរបស់អ៊ីស្រាអែល គួរតែស្ថិតនៅក្នុងក្របខ័ណ្ឌនៃច្បាប់មនុស្សធម៌»។

ក្នុងពេលជាមួយគ្នានោះ លោកបានអំពាវនាវចាប់ផ្តើមដំណើរការនយោបាយដែលនឹងរួមបញ្ចូល «តួនាទីរបស់ប៉ាឡេស្ទីន នៅក្នុងតំបន់ហ្កាហ្សាស្ទ្រីប ហើយវានឹងនាំឲ្យមានកិច្ចព្រមព្រៀងស្តីពីការដោះស្រាយជម្លោះ ផ្អែកលើមូលដ្ឋានរដ្ឋពីរ»។