ក្បួនដំណើររបស់ជនអន្តោប្រវេសន៍នៅភាគខាងត្បូងប្រទេសម៉ិកស៊ិក បានបន្តឆ្ពោះទៅកាន់សហរដ្ឋអាមេរិក កាលពីថ្ងៃចន្ទ ហើយបានដើរទៅកាន់ទីឈប់ចតបន្ទាប់របស់ពួកគេ នៅទីក្រុង Huehuetan រដ្ឋ Chiapas ។

ក្បួនដំណើរដែលបង្កើតឡើងដោយជនអន្តោប្រវេសន៍រាប់រយនាក់ បានចាប់ផ្តើមធ្វើដំណើរនៅទីក្រុងព្រំដែន Tapachula។ ក្រុមនេះ រួមមានកុមារជាច្រើននាក់ ដែលត្រូវបានតាមអមដោយនគរបាលក្រុង និងរថយន្តឆ្មាំល្បាតជាតិ។

ជនអន្តោប្រវេសន៍ ជាពិសេសអ្នកដែលភៀសខ្លួនចេញពីអស្ថិរភាពនយោបាយ និងសេដ្ឋកិច្ចនៅក្នុងប្រទេសវេណេស៊ុយអេឡា បានបង្ហាញការថប់បារម្ភចំពោះបញ្ហាប្រឈមនានានៃការចូលដ៏តឹងតែង ខណៈរដ្ឋបាលរបស់លោក Trump អាចរឹតបន្តឹងសន្តិសុខនៅព្រំដែន និងកំណត់ពីការសុំសិទ្ធិជ្រកកោន។

ជនអន្តោប្រវេសន៍ វេណេស៊ុយអេឡាម្នាក់និយាយថា «មានភាពមិនប្រាកដប្រជាជាច្រើន ក្នុងនាមជាមនុស្សម្នាក់ ដោយមើលឃើញការលះបង់ច្រើន សម្រាប់អ្នកដែលធ្វើដំណើរមកទីនេះ» ។

ការព្រួយបារម្ភធំបំផុតរបស់ពួកគេ គឺនៅខែមករា ឆ្នាំ២០២៥ នៅពេលដែល លោក Trump ចូលកាន់តំណែង ដែលព្រំដែននឹងត្រូវបិទ ហើយជនអន្តោប្រវេសន៍បារម្ភថា អាជ្ញាធរម៉ិកស៊ិកនឹងបង្កើនការអនុវត្តច្បាប់អន្តោប្រវេសន៍នៅព្រំដែនរបស់ខ្លួន។