លោក Oleg Ignasyuk អនុប្រធានមជ្ឈមណ្ឌលរុស្ស៊ីសម្រាប់ការផ្សះផ្សានៃភាគីប្រឆាំង នៅក្នុងប្រទេសស៊ីរី (ផ្នែកមួយរបស់ក្រសួងការពារជាតិរុស្ស៊ី) បាននិយាយថា កងទ័ពរដ្ឋាភិបាលស៊ីរី និងកងកម្លាំងអាកាសរបស់រុស្ស៊ី បន្តវាយបកទៅលើការវាយប្រហាររបស់ក្រុមភេរវករ នៅក្នុងខេត្ត Idlib, Hama និង Aleppo ដោយបានសម្លាប់សកម្មប្រយុទ្ធយ៉ាងហោចណាស់ ១០០នាក់ កាលពីថ្ងៃចន្ទ។ 

លោក បាននិយាយថា៖«កងទ័ពរដ្ឋាភិបាលស៊ីរីដែលគាំទ្រដោយកងកម្លាំងអាកាសរុស្ស៊ី បន្តប្រតិបត្តិការដើម្បីវាយរុញច្រានការវាយប្រហារលុករបស់ក្រុមភេរវករ នៅក្នុងខេត្ត Idlib, Hama និង Aleppo ។ ក្នុងអំឡុងពេលថ្ងៃកន្លងទៅ ការវាយប្រហារដោយមីស៊ីល និងគ្រាប់បែក ត្រូវបានធ្វើឡើងទៅលើតំបន់ដែល ការដាក់ពង្រាយក្រុមសកម្មប្រយុទ្ធ និង ឃ្លាំងអាវុធ និងគ្រាប់រំសេវរបស់ពួកគេ ទីតាំងកាំភ្លើងធំ និងការពារដែនអាកាស និងមជ្ឈមណ្ឌលត្រួតពិនិត្យ។ ជនសកម្មប្រយុទ្ធយ៉ាងតិច ១០០នាក់ ត្រូវបានសម្លាប់»។

លោកក៏បាននិយាយផងដែរថា យន្តហោះនៃក្រុមចម្រុះអន្តរជាតិប្រឆាំងភេរវករ ដែលដឹកនាំដោយសហរដ្ឋអាមេរិក បន្តបង្កើតស្ថានការណ៍ដ៏គ្រោះថ្នាក់ ដែលអាចបណ្តាលឲ្យមានឧបទ្ទវហេតុ ឬឧបទ្ទវហេតុផ្លូវអាកាស និងធ្វើឲ្យស្ថានការណ៍កើនឡើង នៅក្នុងដែនអាកាសរបស់ប្រទេសស៊ីរី។ ដូច្នេះ តាមការលើកឡើងរបស់លោក យន្តហោះចម្បាំង F-15 ចំនួន៤គ្រឿង របស់ក្រុមចម្រុះ បានបំពានដែនអាកាសរបស់ប្រទេសស៊ីរី ក្នុងតំបន់ al-Tanf ដែលឆ្លងកាត់ផ្លូវអាកាសអន្តរជាតិរត់ចំនួន ៨លើក កាលពីថ្ងៃចន្ទ។