​បាល់ទាត់៖ ​ក្លិប​បាល់ទាត់​អាល្លឺម៉ង់ Wolfsburg បានសំរេច​បណ្តេញ​អ្នកចាត់ការ​លោក Mark van Bommel ចេញពី​តំណែងក្រោយ​ដឹកនាំ​ក្រុម​បានតែ ១៣ប្រកួត​ប៉ុណ្ណោះ​។ ​​អតីត​ប្រធាន​ក្រុម Bayern Munich តែ​ម្នាក់​គត់​ដែល​មិនមែន​ជនជាតិ​អាល្លឺម៉ង់​រូបនេះបាន​ចូលមក​កាន់តំណែង​ដឹកនាំ Wolfsburg កាលពីដើម​រដូវ​កាល ២០២១-២០២២ នេះ​បន្ទាប់ពី​ការចាកចេញ​របស់លោក Oliver Gasner​។

​​លោក Glasner បាន​ដឹកនាំ​ក្រុម​បញ្ចប់​រដូវ​កាល​មុន​ចំណាត់ថ្នាក់​លេខ៤ នៅ Bundesliga មុនពេល​ចាកចេញ​ទៅ ដឹកនាំ Eintracht Frankfurt​។ ​​ក្រោយ​ការដឹកនាំ​របស់លោក Glasner, Wolfsburg មិន​ងាយ​ក្រុម​ណា​អាច​យកឈ្នះ​បានឡើយ មានតែ​ក្រុម​ធំៗ​ប៉ុណ្ណោះ​។ លោក Mark van Bommel បាន​សំដែង​អារម្មណ៍​ភ្ញាក់ផ្អើល​នៅពេល​លឺដំណឹង​ថា​ លោក​ត្រូវបាន​បណ្តេញ​ចេញពីតំណែង​។​ ​រដូវ​កាល​ថ្មី​នេះ​ក្រោម​ការដឹកនាំ​របស់លោក Mark van Bommel, Wolfsburg ឈរ​លេខ៩ នៅ Bundesliga មាន ១៣ពិន្ទុ​ក្រោយ​ឈ្នះ៤ ស្មើ១ ចាញ់៤​។ Wolfsburg ជា​ក្លិប​ទី២ ក្នុង​អាជីព​អ្នកចាត់ការ​របស់ Mark van Bommel បន្ទាប់ពី​ធ្លាប់​ដឹកនាំ PSV Eindhoven ១៧ខែ​នៅ​ឆ្នាំ២០១៨ និង ២០១៩៕

​អត្ថបទ​៖​នាង សុភា​វុ​ធ