លោក ជឺរី ពលរដ្ឋខ្មែររស់នៅអាមេរិក បានផ្តាំទៅបងប្អូនប្រជាពលរដ្ឋខ្មែរទាំងក្នុង និងក្រៅ​ប្រទេស​ទាំង​អស់​ថា ប្រសិនបើស្តាប់ការញុះញង់របស់ក្រុមប្រឆាំងជ្រុលនិយម នឹងក្លាយជា​មនុស្ស​ផ្ការីកផ្កា​រោយ​អស់​ក្តីសង្ឈឹមនាពេលអនាគត ខណៈរាល់សកម្មភាពអុចអាលទាំងអស់របស់ជនក្បត់ជាតិ គឺ​ដើម្បី​ធ្វើ​យ៉ាងណាឲ្យសេដ្ឋកិច្ច​កម្ពុជា​ដួលរំលំ និង​ឲ្យ​ពលរដ្ឋ​ខ្មែរ​ដែល​ស្តាប់​តាម​ពួក​គេ​ជាប់​ពន្ធនាគារ​ ដោយការណ៍នេះ​ជា​គោល​បំណង​ឲ្យ​បរទេស​ដាក់​សម្ពាធ​លើរាជ​រដ្ឋាភិបាល​តែ​ប៉ុណ្ណោះ។​

តាមរយៈវិដេអូឃ្លីប ដែលបានចាក់ផ្សាយបន្តដោយផេកហ្វេសបុកសម្តេចតេជោ ហ៊ុន សែន ប្រធាន​ព្រឹទ្ធសភាកម្ពុជា និងជាប្រធានគណបក្សប្រជាជនកម្ពុជានាព្រឹកថ្ងៃទី៤ ខែធ្នូ ឆ្នាំ​២០២៤​នេះ លោក ជឺរី បានថ្លែងថា បងប្អូនប្រជាពលរដ្ឋទាំងអស់គប្បីត្រូវចេះថ្លឹងថ្លែង និង​ពិចារណាឲ្យបានច្បាស់លាស់បំផុត មុននឹងធ្វើតាមការញុះញង់របស់ជនក្បត់ជាតិ ដែល​កំពុង​នីរទេស​ខ្លួន​នៅក្រៅប្រទេស ខណៈជននេះបាន ប្រកាសធ្វើយុទ្ធសាស្រ្ត​«ផ្ការីក» ដើម្បី​ផ្តួល​រំ​រាជ​រដ្ឋាភិបាល​ស្រប​ច្បាប់ ដែលកើតចេញពីការបោះឆ្នោតនោះ។

លោកជឺរី បានបញ្ជាក់ថា យុទ្ធសាស្រ្តី«ផ្ការីក»របស់ជនក្បត់ជាតិ និងបក្សពួកដែលបានប្រកាសថា ពេល​គេ​ជាប់ឆ្នោតគេនឹងប្រមូលលុយពីក្រុមនាយទុនយកទៅចែកជូនប្រជាពលរដ្ឋក្រីក្រនោះ គឺ​ជា​ការ​ញុះញង់មិនអាចទទួលយកបាននោះទេ ដែលការអុច​អាល​បែប​នេះ​នឹង​ធ្វើ​ឲ្យ​បរទេស​ខ្លាច​មិន​ហ៊ាន​ធ្វើ​ការ​វិនិយោគនៅស្រុកខ្មែរបន្តទៀត ដូច្នេះសេដ្ឋកិច្ចកម្ពុជា​អាច​នឹង​ធ្លាក់​ប្រសិន​បើ​គ្មាន​គេ​មក​បណ្តាក់​ទុនហើយ ដរាបណាគេមិនហ៊ានបណ្តាក់ទុននោះពលរដ្ឋខ្មែរនឹងគ្មានការងារធ្វើ ខណៈ​កត្តានេះហើយដែលក្រុមប្រ ឆាំងជ្រុលនិយមទាំងនោះចង់បាន និងចាំ​អបអរ​សាទរ​ពេល​ដែល​ពួក​គេឃើញសេដ្ឋកិច្ចខ្មែរដាំក្បាលចុះនោះ។

យ៉ាងណាក៏ដោយលោក ជឺរី បានអំពាវនាវយ៉ាងទទួចដល់ប្អូនទាំងអស់ទាំងក្នុង និង​ក្រៅ​ប្រទេស​គប្បី​កុំ​ចូល​រួមរាល់សកម្មភាពញុះញង់របស់ក្រុមក្បត់ជាតិនេះឲ្យសោះ បងប្អូននឹង​ជួប​នៅ​គ្រោះ​មហន្តរាយ ពីព្រោះថាចលនានេះ(យុទ្ធសាស្រ្តផ្ការីក) វាជាចលនាមួយដែលខុសនឹងច្បាប់ ដោយ​នឹង​គ្មាន​អន្តរជាតិ ណាមួយគេមកជួយបងប្អូនបាននោះទេ ខណៈកាលណាយើង​ចូល​រួម​នូវ​សកម្មភាព​ខុសច្បាប់ទាំងនេះ អាជ្ញាធរនឹងចាត់វិធានការឃាត់ខ្លួនយើងជាក់ជាមិនខាននោះឡើយ ហើយ​តុលាការនឹងយកបងប្អូនទៅ កាត់ទោសទៅតាមច្បាប់ជាធរមានផងដែរ។ លោកជឺរី ក៏បាន​លើក​ឡើង​ផងដែរថា អ្នកដែលប្រកាសហើយតាំងខ្លួនថាជាអ្នកស្នេហាជាតិនោះ គឺពួកគេ​កំពុង​សោយ​សុខ​នៅ​ក្រៅប្រ​ទេសតែប៉ុណ្ណោះ ហើយបង ប្អូនស្តាប់ និងធ្វើតាមការញុះញងរបស់ពួកគេ ខណៈយើងកំពុងមានឱពុកម្តាយ ប្តី ប្រពន្ធ និងកូននៅស្រុក ហើយជាក៏ជាពលករ​ធ្វើ​ការ​នៅ​ស្រុក​គេ​ផង​ដែរ ដូច្នេះអ្នកដែលជួបគ្រោះមហន្តរាយគឺបងប្អូនតែប៉ុណ្ណោះ៕ អត្ថបទ៖ បាន ចក់