អាមេរិក៖ មន្ត្រីសហរដ្ឋអាមេរិកបាននិយាយកាលពីថ្ងៃចន្ទ ខណៈបង្កើនលទ្ធភាពខាងការទូតបន្ថែមទៀត បើទោះបីជាកិច្ចព្រមព្រៀងនេះមិនអាចរស់ឡើងវិញក៏ដោយថា កិច្ចខិតខំប្រឹងប្រែងស្តារឡើងវិញនូវកិច្ចព្រមព្រៀងនុយក្លេអ៊ែរអ៊ីរ៉ង់ឆ្នាំ២០១៥ គឺឈានដល់ "ដំណាក់កាលសំខាន់" ហើយហេតុផលរបស់ទីក្រុងតេអេរ៉ង់គេចវេះពីការចរចាគឺមានកាន់តែតិចតួច។
ប្រេសិតពិសេសរបស់សហរដ្ឋអាមេរិកទទួលបន្ទុកកិច្ចការអ៊ីរ៉ង់លោក Robert Malley បានប្រាប់អ្នកយកព័ត៌មានថា ក្រុង Washington ព្រួយបារម្ភកាន់តែខ្លាំងឡើងថា ក្រុងតេអេរ៉ង់នឹងបន្តពន្យារពេលការវិលត្រឡប់ទៅកាន់កិច្ចចរចា ប៉ុន្តែបាននិយាយថា ខ្លួនមានឧបករណ៍ផ្សេងទៀតដើម្បីរារាំងអ៊ីរ៉ង់ពីការអភិវឌ្ឍអាវុធនុយក្លេអ៊ែរ ហើយនឹងប្រើប្រាស់វាប្រសិនបើចាំបាច់។ លោក Malley បាននិយាយថា យើងស្ថិតក្នុងដំណាក់កាលសំខាន់នៃកិច្ចខិតខំប្រឹងប្រែង ដើម្បីមើលថាតើយើងអាចធ្វើឲ្យផែនការសកម្មភាពរួមគ្រប់ជ្រុងជ្រោយ (JCPOA) រស់ឡើងវិញបាន ឬអត់។ យើងបានផ្អាកជាច្រើនខែ ហើយហេតុផលផ្លូវការដែលសួរថា ហេតុអ្វីបានជាយើងស្ថិតក្នុងការផ្អាកនេះនោះគឺដោយសារប្រទេសអ៊ីរ៉ង់។
ខណៈដែលនិយាយថា ចន្លោះសម្រាប់ទាំងសហរដ្ឋអាមេរិក ទាំងអ៊ីរ៉ង់ ក្នុងការបន្តការអនុវត្តតាមកិច្ចព្រមព្រៀងនឹងខិតចូលកាន់តែជិត លោក Malley បាននិយាយថា សហរដ្ឋអាមេរិកនឹងនៅតែមានឆន្ទៈក្នុងការធ្វើទំនាក់ទំនងការទូតជាមួយអ៊ីរ៉ង់ បើទោះបីជាខ្លួនបានថ្លឹងថ្លែងជម្រើសផ្សេងទៀតក្នុងការរារាំងទីក្រុងតេអេរ៉ង់ មិនឲ្យផលិតបាននុយក្លេអ៊ែរក៏ដោយ៕
អត្ថបទ៖ សុខមាន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
