លោក Yuichiro Tamaki ដែលជាអ្នកកាន់តំណែងដ៏សំខាន់ សម្រាប់រដ្ឋាភិបាលសំឡេងភាគតិចរបស់ប្រទេសជប៉ុន នឹងចុះចេញជាបណ្តោះអាសន្នពីតំណែងមេដឹកនាំគណបក្សរបស់លោក ចំពេលមានរឿងអាស្រូវ ជុំវិញការចោទប្រកាន់ថា មានភាពមិនស្មោះត្រង់ ក្នុងចំណងអាពាហ៍ពិពាហ៍។

លោក Motohisa Furukawa នឹងកាន់តួនាទីដឹកនាំរបស់គណបក្សប្រជាធិបតេយ្យ ដើម្បីប្រជាជន (DPP) សម្រាប់រយៈពេល ៣ខែបន្ទាប់ ដោយលោក Tamaki នឹងត្រលប់មកធ្វើជាប្រធានគណបក្សវិញ នៅថ្ងៃទី៤ ខែមីនា។ នេះបើយោងតាមការឲ្យដឹងពីអគ្គលេខាធិការបក្ស DPP លោក Kazuya Shimba។

គណបក្ស DPP បានសម្រេចចិត្តដាក់ទណ្ឌកម្មលោក Tamaki ជុំវិញរឿងអាស្រូវនេះ ដែលត្រូវបានរាយការណ៍កាលពីខែវិច្ឆិកា ពោលគឺប៉ុន្មានម៉ោងមុនពេលសភារបស់ប្រទេសជប៉ុន បានសម្រេចជ្រើសរើសលោក Shigeru Ishiba ធ្វើជានាយករដ្ឋមន្ត្រី ខណៈដែលគណបក្ស DPP បានតែងតាំងលោក Tamaki ឲ្យកាន់តំណែងកំពូលរបស់បក្ស។

គួរបញ្ជាក់ថា គណបក្សប្រឆាំងបានក្លាយជាអ្នកសម្រុះសម្រួលផ្នែកផ្ដល់សិទ្ធិអំណាច បន្ទាប់ពីក្រុមចម្រុះដែលកំពុងកាន់អំណាច បានបាត់បង់សំឡេងភាគច្រើន ក្នុងការបោះឆ្នោតកាលពីខែតុលា៕