ទីបញ្ជាការកងទ័ព បានឲ្យដឹងថា កងកម្លាំងរដ្ឋាភិបាលស៊ីរី បានសម្លាប់ភេរវករយ៉ាងហោចណាស់ ២០០នាក់ រួមទាំងមេបញ្ជាការមួយចំនួន និងបានបាញ់ទម្លាក់យានដ្រូនជាង ២០គ្រឿង ដែលប្រតិបត្តិការដោយក្រុមភេរវករ កាលពីថ្ងៃអង្គារ។

ទីបញ្ជាការនេះ បានបញ្ជាក់នៅក្នុងសេចក្តីថ្លែងការណ៍មួយនៅលើទំព័រហ្វេសប៊ុករបស់ខ្លួន៖«កងកម្លាំងប្រដាប់អាវុធរបស់យើង បានសម្លាប់ភេរវករយ៉ាងហោចណាស់ ២០០នាក់ រួមទាំងមេបញ្ជាការនៃក្រុមបរទេស និងបាញ់ទម្លាក់ និងបំផ្លាញយានដ្រូនជាង ២០គ្រឿង ដែលបានវាយប្រហារដោយក្រុមសកម្មប្រយុទ្ធ នៅតាមភូមិ និងទីក្រុងមួយចំនួន។ 

ទីបញ្ជាការកងទ័ព ក៏បានរាយការណ៍ផងដែរថា៖«ក្នុងអំឡុងពេលថ្ងៃនោះ ការវាយប្រហារជាក់លាក់ជាច្រើន ត្រូវបានធ្វើទៅលើអង្គភាពរបស់ក្រុមភេរវករ។ ទីស្នាក់ការកណ្តាលប្រតិបត្តិការនៃអង្គការភេរវកម្ម Hayat Tahrir al-Sham (ដែលត្រូវបានចាត់ទុកថា ខុសច្បាប់នៅក្នុងប្រទេសរុស្ស៊ី) ឃ្លាំងអាវុធចំនួនបី និងរថពាសដែករាប់សិបគ្រឿង ត្រូវបានបំផ្លាញ»។

កងទ័ពស៊ីរី បន្តការវាយប្រហារដោយកាំភ្លើងធំ និងមីស៊ីលទៅលើទីតាំងរបស់ក្រុមសកម្មប្រយុទ្ធ ទីស្នាក់ការ និងក្បួនរថយន្តរបស់ពួកគេ នៅភាគខាងជើងនៃអភិបាលខេត្ត Hama និងនៅ Idlib ដោយបន្ថែមថា កងកម្លាំងអាកាសស៊ីរី បន្តធ្វើការវាយប្រហារដោយមានការសម្របសម្រួលជាមួយកងកម្លាំងរុស្ស៊ី។