គណបក្សរបស់លោកបាននិយាយថា មេដឹកនាំគណបក្សប្រឆាំងដ៏សំខាន់របស់ប្រទេសហ្ស៊កហ្ស៊ី ត្រូវបាននគរបាលចាប់ឃុំខ្លួននៅក្នុងរដ្ឋធានី ទីប៊ីលីស៊ី (Tbilisi) បន្ទាប់ពីត្រូវបានដួលសន្លប់។

ប្រទេសហ្ស៊កហ្ស៊ី កាលពីថ្ងៃពុធសប្ដាហ៍នេះ បានមើលឃើញការតវ៉ានៅយប់ទី ៧ ជាប់គ្នាប្រឆាំងនឹងការសម្រេចចិត្តរបស់រដ្ឋាភិបាលក្នុងការផ្អាកការចរចាស្តីពីការចូលរួមជាសមាជិកភាពសហភាពអឺរ៉ុបដោយបញ្ឈប់ភ្លាមៗនូវគោលដៅជាតិដែលមានជាយូរមកហើយ និងជំរុញឱ្យមានការបង្ក្រាបពីកងកម្លាំងនគរបាល ហើយមនុស្សប្រមាណជាង៣០០នាក់ត្រូវបានចាប់ខ្លួន។

គណបក្សប្រឆាំង សម្ព័ន្ធដើម្បីការផ្លាស់ប្តូរ (Coalition for Change party)បានចេញវីដេអូមួយនៅលើបណ្ដាញសង្គម X បង្ហាញពីលោក Nika Gvaramia ដែលជាមេដឹកនាំគណបក្ស ត្រូវបានបុរសជាច្រើនសែងចូលរថយន្ត។

គណបក្សប្រឆាំងខាងលើបាននិយាយថាលោក Gvaramia វ័យ៤៨ ជាអ្នកនយោបាយមានប្រភពចេញពីអ្នកគ្រប់គ្រងប្រព័ន្ធផ្សព្វផ្សាយ ត្រូវបានរុញចូលក្នុងរថយន្ត ខណៈរូបលោកត្រូវគេវាយដំលើរាងកាយ និងសន្លប់ ។ 

យ៉ាងណា សារព័ត៌មាន Reuters មិនអាចផ្ទៀងផ្ទាត់ដោយឯករាជ្យថាតើលោក Gvaramia ត្រូវបានគេវាយដំ ឬក៏អត់នោះទេ ប៉ុន្តែមើលទៅលោកដូចជាពុំមានចលនាទេ ៕