លោក Iyad Abu Mustafa គឺជាជនប៉ាឡេស្ទីនមួយរូបរស់នៅក្នុងទីក្រុង Khan Younis បាននិយាយជាការឆ្លើយតបចំពោះរបាយការណ៍របស់ក្រុមលើកលែងទោសអន្តរជាតិ ចោទប្រកាន់រដ្ឋអ៊ីស្រាអែលប្រព្រឹត្តប្រល័យពូជសាសន៍លើជនប៉ាឡេស្ទីនក្នុងសង្រ្គាមហ្កាហ្សាថា ពេលវេលាបានមកដល់ហើយសម្រាប់ឲ្យសហគមន៍អន្តរជាតិមកគ្រប់ទិសទីចោទសួរ និងធ្វើឲ្យរដ្ឋអ៊ីស្រាអែលទទួលខុសត្រូវចំពោះទង្វើបែបនេះ ។

ក្រុមលើកលែងទោសអន្តរជាតិ បានចោទប្រកាន់នៅក្នុងរបាយការណ៍របស់ខ្លួនដែលបានចេញផ្សាយនៅថ្ងៃព្រហស្បតិ៍នេះ គឺជាការចោទប្រកាន់មួយដែលក្រុមមេដឹកនាំអ៊ីស្រាអែល ធ្វើការច្រានចោលម្តងហើយម្តងទៀត ។

អ៊ីស្រាអែលបានច្រានចោលរហូតរាល់ការចោទប្រកាន់ពីការប្រល័យពូជសាសន៍ ដោយពួកគេនិយាយថា ពួកគេគោរពតាមច្បាប់អន្តរជាតិ និងមានសិទ្ធិការពារខ្លួនឯង ក្រោយការវាយប្រហារឆ្លងព្រំដែនរបស់ក្រុមហាម៉ាស់ចេញពីតំបន់ហ្កាហ្សា កាលពីថ្ងៃទី ៧ ខែតុលា ឆ្នាំមុន ជាហេតុបង្កឲ្យមានសង្រ្គាមមួយនេះ ផ្ទុះឡើង ។

ក្រុមមន្រ្តីអ៊ីស្រាអែល ពុំអាចសុំសេចក្តីអត្ថាធិប្បាយភ្លាមៗបាននោះទេ ពាក់ព័ន្ធនឹងរបាយការណ៍របស់ក្រុមលើកលែងទោសអន្តរជាតិ ។

លោក Abu Mustafa ជាមួយនឹងជនប៉ាឡេស្ទីនជាច្រើននាក់ទៀត កំពុងចូលរួមពិធីបុណ្យសពនៅជំរំ al-Mawasi ស្ថិតក្នុងទីក្រុង Khan Younis សម្រាប់អ្នកដែលត្រូវបានសម្លាប់នៅក្នុងការវាយប្រហាររបស់អ៊ីស្រាអែល ។

រថក្រោះអ៊ីស្រាអែល បានរុលចូលតំបន់ភាគខាងជើងទីក្រុង Khan Younis ស្ថិតនៅភាគខាងត្បូងតំបន់ហ្កាហ្សាស្រ្ទីប កាលពីថ្ងៃពុធ ហើយគ្រូបឋមប៉ាឡេស្ទីន និយាយថា ការវាយប្រហារតាមច្រកអាកាសរបស់អ៊ីស្រាអែល បានសម្លាប់មនុស្សយ៉ាងហោច ៤៧នាក់ នៅទូទាំងតំបន់បិទច្រកមួយនេះ ។

ក្រុមអ្នកស្រុក និយាយថា រថក្រោះអ៊ីស្រាអែល បានរុលចូល រយៈពេល ១ថ្ងៃ ក្រោយយោធាអ៊ីស្រាអែល ចេញបញ្ជាឲ្យជម្លៀសខ្លួន ដោយពួកគេនិយាយថា មាននូវការបាញ់គ្រាប់រ៉ុក្កែតរបស់ក្រុមជីវពលប៉ាឡេស្ទីល ចេញពីទីនោះ ៕