កសិករប្រទេសបែលហ្ស៊ិក បានបិទច្រកឆ្លងកាត់ព្រំដែនជាច្រើនកន្លែងនៅភាគខាងត្បូង ភាគខាងកើត និងភាគខាងជើងប្រទេស កាលពីថ្ងៃព្រហស្បតិ៍ ទី៥ ខែធ្នូ ដើម្បីតវ៉ាប្រឆាំងកិច្ចព្រមព្រៀងពាណិជ្ជកម្ម ទីផ្សាររួមអាមេរិកឡាទីន រវាងសហភាពអឺរ៉ុប និងបណ្តាប្រទេសនៅអាមេរិកឡាទីន។

លោក Arnaud Reynens មកពីសមាគមកសិករ FJA បានប្រាប់បណ្តាញទូរទស្សន៍មួយ ក្នុងទីក្រុង Hensies ជាកន្លែងដែលកសិកររាប់សិបនាក់ បានបិទផ្លូវហាយវ៉េ ទៅកាន់ទីក្រុង Valenciennes ប្រទេសបារាំង ថា «យើងត្រូវតែបានលើកទឹកចិត្ត»។

ប្រព័ន្ធផ្សព្វផ្សាយក្នុងស្រុកបានរាយការណ៍ថា កសិករក៏បានបិទច្រកឆ្លងកាត់ព្រំដែន នៅជិតប្រទេសអាល្លឺម៉ង់ និងប្រទេសហូឡង់។

ប្រធានគណៈកម្មការអឺរ៉ុប លោកស្រី Ursula von der Leyen បានចុះទៅដល់ប្រទេសអាមេរិកឡាទីន កាលពីថ្ងៃព្រហស្បតិ៍ ដើម្បីបញ្ចប់កិច្ចព្រមព្រៀងពាណិជ្ជកម្មដែលបានពន្យារពេលជាយូរមក រវាងសហភាពអឺរ៉ុប និងប្លុកទីផ្សាររួមអាមេរិកឡាទីន នៅប្រទេសអាមេរិកខាងត្បូង។

ប្រទេសទីផ្សាររួមអាមេរិកឡាទីន បានជួបប្រជុំគ្នានៅទីក្រុង ម៉ុនតេវីដេអូ(Montevideo) ប្រទេសអ៊ុយរ៉ាហ្គាយ កាលពីថ្ងៃព្រហស្បតិ៍ក្នុងពេលមានសញ្ញាដែលថាប្លុកនៃប្រទេសអាហ្សង់ទីន ប្រេស៊ីល ប៉ារ៉ាហ្គាយ និងអ៊ុយរ៉ាហ្គាយ នឹងប្រើប្រាស់ព្រឹត្តិការណ៍នេះដើម្បីប្រកាសកិច្ចព្រមព្រៀងស្តីពីកិច្ចព្រមព្រៀងពាណិជ្ជកម្ម ដែលនឹងក្លាយជាការចុះហត្ថលេខាធំបំផុត ធ្វើឡើងដោយសហភាពអឺរ៉ុបទាក់ទងនឹងការកាត់បន្ថយពន្ធ។