នាយកដ្ឋានអភិវឌ្ឍន៍ទេសចរណ៍ប្រចាំរមណីយដ្ឋានប្រាសាទព្រះវិហារនៅថ្ងៃទី៥ ខែ​ធ្នូ​ ឆ្នាំ​២០២៤នេះ បានចុះធ្វើបច្ចុប្បន្នភាពសេវាកម្មទេសចរណ៍នៅតំបន់ស្រអែមមានដូចជា សេវា​កម្ម​ស្នាក់​នៅ សេវាកម្មកម្សាន្ត សេវាកម្មដឹកជញ្ជូន សេវាកម្មម្ហូបអាហារ និងភេសជ្ជៈ។ ការចុះ​ធ្វើ​បច្ចុប្បន្ន​ភាព​សេវាកម្មទេសចរណ៍នេះ ក្នុងគោលបំណង ដើម្បីប្រមូល​ទិន្នន័យ​ព័ត៌មាន​ទាក់​ទង​នឹង​សេវាកម្ម ជំរុញការផ្សាព្វផ្សាយសេវាកម្មទេសចរណ៍ វាស់ស្ទង់អំពីតម្រូវការ និងស្ថិតិ​ភ្ញៀវ​ទេសចរ​មក​ទស្សនាកម្សាន្ត រមណីយដ្ឋានប្រាសាទព្រះវិហារ។

នៅក្នុងខែវិច្ឆិកា ឆ្នាំ២០២៤នេះ មានភ្ញៀវទេសចរជាតិ-បរទេស មកស្នាក់នៅ និងលេងកម្សាន្ត​ក្នុង​រមណីយ​ដ្ឋាន​ប្រាសាទព្រះវិហារមានចំនួនសរុប៤៩២០នាក់ក្នុងនោះ៖ ភ្ញៀវទេសចរជាតិ​មាន​ចំនួន ៤៥៨៩នាក់ កើនឡើង៥១% ភ្ញៀវបរទេសចមានចំនួន៣៣១នាក់ កើនឡើង៨៤% បើធៀបនឹងខែតុលា ឆ្នាំ២០២៤កន្លងទៅនេះ។