ក្រសួងការបរទេសសហរដ្ឋអាមេរិក និយាយថា ទីក្រុងវ៉ាស៊ីនតោន ពុំឯកភាពនោះឡើយនឹងការសន្និដ្ឋានរបស់ក្រុមលើកលែងទោសអន្តរជាតិថា អ៊ីស្រាអែលកំពុងប្រព្រឹត្តអំពើប្រល័យប្រល័យពូជសាសន៍លើជនប៉ាឡេស្ទីនក្នុងសង្រ្គាមហ្កាហ្សា ។

អ្នកនាំពាក្យរងក្រសួងការបរទេសសហរដ្ឋអាមេរិកលោក Vedant Patel និយាយប្រាប់ក្រុមអ្នកសារព័ត៌មាននៅក្នុងសន្នសីទសារព័ត៌មានថា សហរដ្ឋអាមេរិកបន្តរកឃើញថាការចោទប្រកាន់ពីការប្រល័យពូជសាសន៍នៅតំបន់ហ្កាហ្សា គឺឥតមូលហេតុនេះ ក្រោយក្រុមសិទ្ធិមនុស្សដែលជាក្រុមលើកលែងទោសអន្តរជាតិមានមូលដ្ឋាននៅទីក្រុងឡុងដ្រ៍ ចក្រភពអង់គ្លេស និយាយនៅក្នុងរបាយការណ៍កាលពីថ្ងៃព្រហស្បតិ៍ថា អ៊ីស្រាអែលបានប្រព្រឹត្តអំពើប្រល័យពូជសាសន៍លើជនប៉ាឡេស្ទីន ក្នុងតំបន់ហ្កាហ្សា ។

លោក Patel និយាយថា ដូច្នេះហើយខ្ញុំបានមើលឃើញការរាយការណ៍ពីរបាយការណ៍មួយនេះ ហើយខ្ញុំនឹងអនុញ្ញាតឲ្យក្រុមលើកលែងទោសអន្តរជាតិ និយាយលម្អិតពីវា ។

លោកបន្តថា ដូចដែលអ្នកធ្លាប់ឮពួកយើងនិយាយពីមុនហើយថា ពួកយើងមិនឯកភាពនឹងការសន្និដ្ឋានរបស់របាយការណ៍មួយនេះឡើយ ។ ពួកយើងធ្លាប់បាននិយាយកាលពីមុន ថាពួកយើងរកឃើញថា ការចោទប្រកាន់លើការប្រល័យពូជសាសន៍ គឺឥតមូលហេតុ ប៉ុន្តែពួកយើងនឹងបន្តដើរតួនាទីចាំបាច់ជាអង្គការសង្គមស៊ីវិល ដូចគ្នានឹងតួនាទីរបស់ក្រុមលើកលែងទោសអន្តរជាតិ ក្រុមសិទ្ធិមនុស្ស ហើយនិងអង្គការក្រៅរដ្ឋាភិបាលផ្សេងទៀត ក្នុងការផ្តល់ព័ត៌មាន និងការវិភាគ ពាក់ព័ន្ធនឹងតំបន់ហ្កាហ្សា និងអ្វីដែលកំពុងកើតឡើង ៕