ប្រជាជន បានមកប្រមូលផ្តុំគ្នាដោយមានអីវ៉ាន់របស់ពួកគេ កាលពីថ្ងៃអាទិត្យ ទី៨ ខែធ្នូ នៅច្រកឆ្លងកាត់ព្រំដែនស៊ីរី-លីបង់ នៅភាគខាងជើងប្រទេសលីបង់ ដែលរងការបំផ្លាញយ៉ាងធ្ងន់ធ្ងរដោយការវាយប្រហាររបស់អ៊ីស្រាអែល កាលពីពេលកន្លងទៅនេះ។

កងទ័ពប្រទេសលីបង់ និយាយថា ខ្លួនបានដាក់ពង្រាយអង្គភាពគាំទ្រទៅកាន់ព្រំដែនភាគខាងជើង និងខាងកើត ក្នុងការឆ្លើយតបទៅនឹងស្ថានភាពបច្ចុប្បន្ននៅក្នុងប្រទេសស៊ីរី

ក្រុមឧទ្ទាមស៊ីរី បានប្រកាសថា ពួកគេបានបណ្តេញលោកប្រធានាធិបតី លោក Bashar al-Assad បន្ទាប់ពីដណ្តើមបានការគ្រប់គ្រងទីក្រុងដាម៉ាស កាលពីថ្ងៃអាទិត្យ ដោយបង្ខំឱ្យលោកភៀសខ្លួន និងបញ្ចប់ការគ្រប់គ្រងបែបផ្តាច់ការជាច្រើនទសវត្សរ៍ បន្ទាប់ពីសង្គ្រាមស៊ីវិលជាង១៣ឆ្នាំ។

សង្គ្រាមស៊ីវិលរបស់ប្រទេសស៊ីរី ដែលបានផ្ទុះឡើងក្នុងឆ្នាំ២០១១ ជាការបះបោរប្រឆាំងការគ្រប់គ្រងរបស់លោក Assad ដែលបានអូសទាញប្រទេសមហាអំណាចក្រៅតំបន់ជាច្រើនឲ្យជាប់ពាក់ព័ន្ធ ដោយបានបង្កើតបានជាឱកាសសម្រាប់ក្រុមសកម្មប្រយុទ្ធជីហាដ ដើម្បីរៀបចំការវាយប្រហារនៅជុំវិញពិភពលោក និងបានបញ្ជូនជនភៀសខ្លួនរាប់លាននាក់ចូលទៅក្នុងរដ្ឋជិតខាង។