​បាល់ទាត់៖ ​ក្រុម​ជើងឯក​អាល្លឺម៉ង់ Bayern Munich បាន​ស្គាល់​បរាជ័យ​ធ្ងន់ធ្ងរ​បំផុត​ជា​លើកដំបូង​រាប់​ពី​ឆ្នាំ​១៩៧៨ ក្រោយ​ចាញ់​នៅ​ទឹកដី Borussia Monchengladbach ៥-០ ជុំ​ទី​២ ពានរង្វាន់ German Cup​។

​​ក្រុម​ម្ចាស់ផ្ទះ​នាំមុខ​តាំងពី​នាទី​ទី២ ដោយ Kouadio Kone ហើយ​និង​នាំមុខ​ដល់​ទៅ ៣-០ ត្រឹម​នាទី​ទី២១ ដោយ​Ramy Bensebaini ពីរ​គ្រាប់​ម្នាក់ឯង​។ ​​Breel Embolo ចូល​វគ្គ​ទី២ រកបាន​ពីរ​គ្រាប់​ម្នាក់​ដែរ​នៅ​នាទី​ទី៥១ និង ៥៧​។ ​​Bayern Munich គ្រប់គ្រង​បាល់ និង​មានឱកាស​ជាច្រើន​ក្នុងការ​ប្រកួត​នេះ​តែ​រក​គ្រាប់​បាល់​មិនបាន​ឯ Monchengladbach មានឱកាស​ស៊ុត​ចំ​គោលដៅ​តែ ៦លើក​គត់​សំរេចបាន ៥គ្រាប់​។ ​​នេះ​ជា​បរាជ័យ​ទី២ របស់ Bayern Munich ក្រោម​ការដឹក​នា​របស់​លោក Julian Nagelsmann ដែល​កំពុង​ដាក់ខ្លួន​នៅ​ដាច់ដោយឡែក​ព្យាបាល​ជំងឺ Covid-19 ហើយក៏​បានបញ្ចប់​ការ​ស៊ុត​បញ្ចូល​ទី ៨៥ប្រកួត​ជាប់​គ្នា​ផងដែរ​។

​​ចុងក្រោយ​បំផុត​ដែល Bayern Munich ចាញ់​ធ្ងន់ធ្ងរ​គឺ​តាំងពី ៤៣ឆ្នាំមុន​គឺ​ចាញ់ Fortuna Dusseldorf ៧-១ នៅ Bundesliga​។ ​​បរាជ័យ​ធ្ងន់ធ្ងរ​បំផុត​ក្នុង​ប្រវត្តិសាស្ត្រ​នៅ​មិនទាន់​បំបែក​នៅឡើយ​គឺ​ចាញ់ Schalke ៧-០ ក្នុង​ទឹកដី​ខ្លួនឯង​នៅ​ឆ្នាំ១៩៧៦៕

​អត្ថបទ​៖​នាង សុភា​វុ​ធ