ក្រសួងសុខាភិបាលហ្កាហ្សា បានអះអាងថា ចំនួនអ្នកស្លាប់ដោយសារការវាយប្រហាររបស់អ៊ីស្រាអែល  លើតំបន់ហ្កាហ្សា ចាប់តាំងពីការចាប់ផ្តើមកើនឡើងភាពតានតឹងនាពេលបច្ចុប្បន្ននៃជម្លោះប៉ាឡេស្ទីន-អ៊ីស្រាអែល នៅដើមខែតុលា ឆ្នាំ ២០២៣ បានកើនឡើងលើសពី ៤៤.៧០០នាក់ ជាមួយនឹងមនុស្សជាង ១០៦.១០០នាក់ បានរងរបួស។

យោងតាមក្រសួងបានឲ្យដឹងថា មនុស្សរហូតដល់ ៤៤.៧៥៨នាក់ ត្រូវបានសម្លាប់ ក្នុងនោះ ៥០នាក់ ក្នុងរយៈពេលតែ ២៤ម៉ោងប៉ុណ្ណោះ។ ជនស៊ីវិល ៨៤នាក់ បានងរបួសក្នុងកាលពីថ្ងៃអាទិត្យ  ដែលនាំឲ្យចំនួនសរុបនៃអ្នករងរបួស កើនឡើងដល់ ១០៦.១៣៤នាក់។

ភាពតានតឹង បានផ្ទុះឡើងម្តងទៀតនៅមជ្ឈិមបូព៌ា នៅថ្ងៃទី 0៧ ខែតុលា ឆ្នាំ ២០២៣ នៅពេលដែលក្រុមយុទ្ធជនមកពីចលនាបដិវត្តន៍ប៉ាឡេស្ទីនហាម៉ាសដែលមានមូលដ្ឋាននៅតំបន់ហ្កាហ្សាស្ទ្រីប បានធ្វើការវាយប្រហារដ៏គួរឲ្យភ្ញាក់ផ្អើលមួយលើទឹកដីអ៊ីស្រាអែលពីតំបន់ហ្កាហ្សា ដោយបានសម្លាប់អ្នកស្រុករស់នៅតាមព្រំដែនអ៊ីស្រាអែល និងចាប់ចំណាប់ថ្នូរជាង ២៤០នាក់ក្នុងនោះមានស្ត្រី កុមារ និងមនុស្សចាស់។

អ៊ីស្រាអែល បានប្រកាសបិទផ្លូវទាំងស្រុងនៃតំបន់ហ្កាហ្សាស្ទ្រីប និងបានបើកការទម្លាក់គ្រាប់បែកលើតំបន់នេះ និងតំបន់មួយចំនួន ក្នុងប្រទេសលីបង់ និងស៊ីរី ព្រមទាំងប្រតិបត្តិការជើងគោកប្រឆាំងនឹងក្រុមហាម៉ាស នៅតំបន់ហ្កាហ្សាស្ទ្រីប ។ អរិភាពនៅតែបន្តរហូតមកដល់ពេលនេះ។