សារព័ត៌មាន AP បានរាយការណ៍ ដោយដកស្រង់សម្តីប្រភពនានាថា ទាហានស៊ីរីជាង ៤.000 នាក់ បានឆ្លងចូលទៅក្នុងប្រទេសអ៊ីរ៉ាក់ ចាប់តាំងពីក្រុមប្រឆាំងប្រដាប់អាវុធ បានកាន់កាប់ទីក្រុងដាម៉ាស( Damascus)។

យោងតាមមន្ត្រីកងជីវពលអ៊ីរ៉ាក់បានឲ្យដឹងថា ទាហានទាំងនោះ បានប្រគល់គ្រាប់រំសេវ និងរថពាស    ដែក។ ពួកវាទាំង នឹងត្រូវបានរក្សាទុកនៅក្នុងជំរំ ដោយទីតាំងរបស់ពួកវា មិនត្រូវបានបង្ហាញឲ្យដឹងនោះទេ។

ផ្ទុយទៅវិញ មន្ត្រីសន្តិសុខម្នាក់ បាននិយាយថា អភិបាលខេត្ត Hasakah របស់ស៊ីរី ក៏បានឆ្លងចូលទៅក្នុងប្រទេសអ៊ីរ៉ាក់ ជាមួយនឹងក្បួនរថយន្តរបស់ទាហានស៊ីរី កាលពីយប់ថ្ងៃអាទិត្យ។

កាលពីថ្ងៃអាទិត្យ សារព័ត៌មាន Shafaq News បានរាយការណ៍ថា អាជ្ញាធរអ៊ីរ៉ាក់ កំពុងសាងសង់ជំរំតង់សម្រាប់ទាហានស៊ីរី ដែលបានឆ្លងកាត់ព្រំដែន ខណៈដែលមិនទាន់មានការសម្រេចចិត្តលើតួលេខរបស់ពួកគេនៅឡើយទេ។ ទីភ្នាក់ងារព័ត៌មាន INA បានរាយការណ៍កាលពីថ្ងៃទី ០៧ ខែធ្នូថា អាជ្ញាធរអ៊ីរ៉ាក់ បានអនុញ្ញាតឲ្យទាហានស៊ីរីជាង១.០០០នាក់ ចូលទៅក្នុងប្រទេសនេះ តាមច្រកឆ្លងកាត់ Qaim ។ ទោះបីជាយ៉ាងណាក៏ដោយ បច្ចុប្បន្នមិនមានទិន្នន័យត្រឹមត្រូវអំពីចំនួនទាហានស៊ីរី នៅអ៊ីរ៉ាក់នោះទេ។