អ្នកស្រី Fatemeh Mohajerani គឺជាអ្នកនាំពាក្យរដ្ឋាភិបាលស៊ីរីនិយាយនៅថ្ងៃអង្គារនេះថា ពលរដ្ឋរបស់ខ្លួន ៤ពាន់នាក់ ត្រូវបានជម្លៀសខ្លួនចេញពីប្រទេសស៊ីរី មកទល់នឹងពេលនេះ បន្ទាប់ពីការដួលរលំរបស់សម្ព័ន្ធមិត្តរបស់ខ្លួន គឺរបបផ្តាច់ការរបស់លោក Bashar al-Assad ។ 

អ្នកស្រី Fatemeh បន្តថា កិច្ចខិតខំត្រូវបានធ្វើឡើង ដើម្បីជម្លៀសពលរដ្ឋអ៊ីរ៉ង់ទាំងអស់ ដែលបច្ចុប្បន្នពួកគេកំពុងមានការព្រួយបារម្ភខ្លាំងចំពោះសុវត្ថិភាពរបស់ពួកគេ ។

អ្នកស្រីបានអំពាវនាវផងដែរឲ្យគោរពបូរណភាពទឹកដីស៊ីរី ហើយពលរដ្ឋស៊ីរី គួរតែសម្រេចចិត្តលើជោគវាសនាខ្លួនឯង ។

គួរឲ្យដឹងថា អ៊ីរ៉ង់ និងរុស្ស៊ី បានជួយទ្រទ្រង់ផ្នែកយោធាដល់ការគ្រប់គ្រងរបស់លោក Assad ចាប់តាំងពីសង្រ្គាមស៊ីវិលផ្ទុះឡើងកាលពីឆ្នាំ ២០១១ ។ ទីក្រុងតេអេរ៉ង់ បានបញ្ជូនឆ្មាំបដិវត្តន៍ទៅកាន់ប្រទេសស៊ីរី ដើម្បីរក្សាសម្ព័ន្ធមិត្តរបស់ខ្លួនមួយនេះ បន្តកាន់អំណាច ៕