អ៊ីរ៉ង់៖ លោក Abul-Hassan Firouzabadi លេខាធិការឧត្តមក្រុមប្រឹក្សាផ្នែកបច្ចេកវិទ្យារបស់អ៊ីរ៉ង់បានលើកឡើងថា បរទេសមានជាប់ពាក់ព័ន្ធក្នុងការវាយប្រហារតាមប្រព័ន្ធបច្ចេកវិទ្យា ដែលធ្វើឲ្យស្ថានីយប្រេងឥន្ធនៈទាំងអស់នៅក្នុងសាធារណៈរដ្ឋអ៊ីស្លាមបាត់បង់ប្រភពថាមពល។
ស្ថានីយប្រេងឥន្ធនៈប្រហែល ៤,៣០០កន្លែងនៅទូទាំងប្រទេសអ៊ីរ៉ង់ត្រូវបានបិទ ដោយការវាយប្រហារតាមប្រព័ន្ធបច្ចវិទ្យាកាលពីថ្ងៃអង្គារ វាត្រូវបានបង្ហាញដោយទីភ្នាក់ងារព័ត៌មានរដ្ឋ IRNA របស់អ៊ីរ៉ង់ដែលបានបន្តរហូតដល់ថ្ងៃពុធ នៅពេលដែលការចែកចាយប្រេងឥន្ធនៈវិលត្រឡប់ធម្មតាវិញ។ ប្រធានាធិបតីអ៊ីរ៉ង់បានតាមដានស្ថានការណ៍កាលពីថ្ងៃពុធដោយនិយាយថា វាត្រូវបានបង្កើតឡើងដើម្បីធ្វើឱ្យប្រជាពលរដ្ឋខឹងសម្បារដោយបង្កើតភាពច្របូកច្របល់ និងការរំខាន ខណៈដែលការឈរតម្រង់ជួរគ្នាវែងៗនៅតែព័ទ្ធជុំវិញម៉ាស៊ីនបូមប្រេង មួយថ្ងៃបន្ទាប់ពីឧប្បត្តិហេតុបានចាប់ផ្តើម។ ការវាយប្រហារកាលពីថ្ងៃអង្គារ ក៏បានបង្ហាញពីភាពស្រដៀងគ្នាទៅនឹងរយៈពេលប៉ុន្មានខែថ្មីៗនេះ ដែលទំនងជាការប្រឈមដោយផ្ទាល់ជាមួយមេដឹកនាំកំពូលរបស់អ៊ីរ៉ង់លោក Ayatollah Ali Khamenei ខណៈដែលសេដ្ឋកិច្ចរបស់ប្រទេសនេះកំពុងស្ថិតក្រោមការដាក់ទណ្ឌកម្មរបស់អាមេរិក។
កាលពីព្រឹកថ្ងៃពុធ ទីភ្នាក់ងារសារព័ត៌មានរដ្ឋ IRNA បានដកស្រង់សម្តីមន្ត្រីម្នាក់ទៀតដែលអះអាងថា ៨០% នៃស្ថានីយប្រេងឥន្ធនៈរបស់អ៊ីរ៉ង់បានចាប់ផ្តើមលក់ប្រេងឥន្ធនៈឡើងវិញហើយ។ អ្នកសារព័ត៌មាន AP បានមើលឃើញមនុស្សឈរតម្រង់ជួរវែងៗនៅស្ថានីយប្រេងឥន្ធនៈជាច្រើនក្នុងទីក្រុងតេអេរ៉ង់។ ស្ថានីយប្រេងឥន្ធនៈមួយមានរថយន្តចំនួន ៩០គ្រឿងរង់ចាំចាក់ប្រេង។ អ្នកទិញប្រេងទាំងនោះត្រូវបង់ប្រាក់ក្នុងតម្លៃខ្ពស់ដែលមិនទទួលបានការឧបត្ថម្ភធនបម្រុង៕
អត្ថបទ៖ សុខមាន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
