ការិយាល័យអង្គការសហប្រជាជាតិសម្រាប់ការសម្របសម្រួលកិច្ចការមនុស្សធម៌ បាននិយាយថា ជនស៊ីវិលរាប់រយនាក់ បានរងរបួស ហើយយ៉ាងហោចណាស់ ៧៥នាក់ បានស្លាប់នៅក្នុងប្រទេសស៊ីរី ក្នុងរយៈពេលពីរសប្តាហ៍កន្លងទៅ។

យោងតាមទិន្នន័យដែលត្រូវបានផ្ទៀងផ្ទាត់ដោយអាជ្ញាធរសុខាភិបាលក្នុងតំបន់ បានឲ្យដឹងថា៖«នៅក្នុងប្រទេសស៊ីរីភាគពាយ័ព្យតែមួយ ជនស៊ីវិលយ៉ាងតិច ៧៥នាក់ ក្នុងនោះមានកុមារ ២៨ នាក់ និងស្ត្រី ១១ នាក់ ត្រូវបានសម្លាប់ ដោយអរិភាព ចាប់ពីថ្ងៃទី ២៦ ខែវិច្ឆិកា ដល់ថ្ងៃទី ០៨ ខែធ្នូ ហើយយ៉ាងហោចណាស់ ២៨២នាក់ ផ្សេងទៀត បានរងរបួស ក្នុងនោះមានកុមារ ១០៦នាក់ និងស្ត្រី ៥៦នាក់»។

ទីភ្នាក់ងាUNនេះ ក៏បានរាយការណ៍ផងដែរថា ស្ថានភាពសន្តិសុខ និងមនុស្សធម៌ នៅក្នុងប្រទេសនេះ នៅតែគ្មានស្ថិរភាព។