យោងតាមការអះអាងរបស់ក្រុមគ្រូពេទ្យបឋម បានឲ្យដឹងថា មនុស្សយ៉ាងហោច ៧នាក់ ត្រូវបានសម្លាប់ដោយសារការវាយប្រហារតាមច្រកអាកាសរបស់អ៊ីស្រាអែលនៅថ្ងៃព្រហស្បតិ៍នេះ ពេលដែលពួកគេមានភារកិច្ចយាមការពាររថយន្តដឹកជំនួយ ។

មនុស្សត្រូវបានគេមើលឃើញកាន់ទុក្ខ និងយំសោកបោកខ្លួនលើសាកសព នៅមន្ទីរពេទ្យវេជ្ជសាស្រ្ត Nasser ស្ថិតក្នុងទីក្រុង Khan Younis ។

ក្រុមអន្ធពាលប្រដាប់អាវុធតែងតែប្លន់ម្តងហើយម្តងទៀតរថយន្តដឹកជំនួយ ភ្លាមៗក្រោយវាបើកចូលតំបន់បិទច្រកមួយនេះ បង្ខំឲ្យក្រុមហាម៉ាស់អ៊ីស្លាម បង្កើតកម្លាំងការងារ ដើម្បីប្រឈមតតាំងជាមួយពួកគេ ។

យោងតាមប្រភពព័ត៌មានពីក្រុមហាម៉ាស់ និងក្រុមគ្រូពេទ្យបឋម បានឲ្យដឹងថា កងកម្លាំងដឹកនាំដោយក្រុមហាម៉ាស់ បានសម្លាប់សមាជិកក្រុមអន្ធពាលរាប់សិបនាក់ ក្នុងរយៈពេលប៉ុន្មានខែកន្លងមកនេះ ។

ក្រុមហាម៉ាស់ និយាយថា ការវាយប្រហាររបស់អ៊ីស្រាអែល បានសម្លាប់នគរបាលយ៉ាងហោច ៧០០នាក់ ដែលមានភារកិច្ចធានាសុវត្ថិភាពដល់រថយន្តដឹកជំនួយ ចាប់តាំងពីសង្រ្គាមផ្ទុះឡើងកាលពីថ្ងៃទី ៧ ខែតុលា ឆ្នាំ ២០២៣ ។

លោក Nasser Banatដែលជាឪពុក និងជាឪពុកក្មេកអ្នកដែលត្រូវបានសម្លាប់នៅក្នុងការវាយប្រហារនោះ និយាយថា នៅពេលយប់មាននូវរថយន្តដឹកជំនួយសម្រាប់ពលរដ្ឋ ដោយសារតែពួកគេកំពុងស្រេកឃ្លាន ។ 

លោកបន្តថា កូនប្រុស និងកូនប្រសាររបស់លោក និងពួកយើងនៅផ្ទះ គ្មានម៉្សៅនោះទេ ដូចអ្នកមើលឃើញស្រាប់ហើយថាតំបន់មួយនេះ ស្ថិតនៅលើមាត់ជ្រោះធ្លាក់ក្នុងគ្រោះទុរ្ភិក្ស ។ ពួកគេចេញទៅជួយការពាររថយន្តដឹកជំនួយ តែពួកគេបានក្លាយជាការវាយប្រហាររបស់អ៊ីស្រាអែល ពួកគេបានក្លាយជាទុរក្កបុគ្គល ៕