ក្រសួងពាណិជ្ជកម្មចិន និយាយនៅថ្ងៃព្រហស្បតិ៍នេះថា ចិនបើកទូលាយចំពោះការចូលរួម និងទំនាក់ទំនងជាមួយក្រុមសេដ្ឋកិច្ច និងពាណិជ្ជកម្មរបស់រដ្ឋបាលលោក Donald Trump ។

លោក He Yadong គឺជាអ្នកនាំពាក្យក្រសួងពាណិជ្ជកម្មចិន និយាយប្រាប់សន្និសីទសារព័ត៌មានថា គោលជំហររបស់ចិនប្រឆាំងវិធានការដំឡើងពន្ធឯកតោភាគី នៅតែមានដដែល ។

លោកបន្តថា ចិនមានគោលបំណងគ្របគ្រងការខ្វែងគំនិតគ្នាឲ្យបានត្រឹមត្រូវ និងលើកកម្ពស់ទំនាក់ទំនងសេដ្ឋកិច្ច និងពាណិជ្ជកម្មទ្វេភាគីប្រកបដោយស្ថិរភាព និងឈោងចាប់ដល់ ។

 លោក Yadong និយាយថា ចិនបានរក្សាទំនាក់ទំនងជិតស្និតជាមួយក្រុមការងារក្រសួងពាណិជ្ជកម្មសហរដ្ឋអាមេរិក តាមរយៈទំនាក់ទំនងក្រសួងពាណិជ្ជកម្មចិន និងក្រសួងពាណិជ្ជកម្មសហរដ្ឋអាមេរិក ហើយនិងផ្លាស់ប្តូរយន្តការ ។

 លោកថា ចិនមានគោលបំណងពង្រឹងកិច្ចសន្ទនា និងការសម្របសម្រួលជាមួយសហរដ្ឋអាមេរិក ដោយផ្អែកលើគោលការណ៍គោរពគ្នាទៅវិញទៅមក សន្តិសហវិជ្ជមាន និងកិច្ចសហប្រតិបត្តិការឈ្នះឈ្នះ ការគ្រប់គ្រងដោយត្រឹមត្រូវការខ្វែងគំនិតគ្នា ហើយនិងលើកកម្ពស់ទំនាក់ទំនងពាណិជ្ជកម្ម និងសេដ្ឋកិច្ចប្រកបដោយស្ថិរភាព និងឈោងចាប់ដល់ ៕