ប្រទេសអារ៉ាប់រួម (UAE) កាលពីថ្ងៃព្រហស្បតិ៍ បានថ្កោលទោសយ៉ាងអហង្ការចំពោះការបំផ្ទុះគ្រាប់បែកអត្តឃាតកាលពីថ្ងៃពុធ ដោយក្រុមសកម្មប្រយុទ្ធរដ្ឋឥស្លាម (IS) ដែលបានសម្លាប់រដ្ឋមន្ត្រីស្តីទីទទួលបន្ទុកជនភៀសខ្លួននិងការធ្វើមាតុភូមិនិវត្តន៍របស់ប្រទេសអាហ្វហ្គានីស្ថាន លោក Khalil Rahman Haqqani និងមនុស្សជាច្រើននាក់ផ្សេងទៀត។

ក្នុងសេចក្តីថ្លែងការណ៍មួយ ក្រសួងការបរទេសរបស់អេមីរ៉ាតអារ៉ាប់រួម បានរំលឹកឡើងវិញនូវការបដិសេធជាខាច់ខាតរបស់ប្រទេសនេះចំពោះអំពើហិង្សា និងអំពើភេរវកម្ម ក្នុងគ្រប់ទម្រង់ ដែលបំពានលើច្បាប់អន្តរជាតិ និងមានបំណងបង្កអស្ថិរភាពដល់សន្តិសុខ និងសន្តិភាព។

យោងតាមរបាយការណ៍ដំបូងដែលចេញផ្សាយដោយទីភ្នាក់ងារសារព័ត៌មាន Amaq ដែលមានទំនាក់ទំនងនឹងក្រុម IS ថា ជនសកម្មប្រយុទ្ធ IS បានបំផ្ទុះអាវកាក់ដែលផ្ទុកគ្រឿងផ្ទុះរបស់ខ្លួន ដែលបាន      បណ្តាលឲ្យHaqqani និងសហការី និងអង្គរក្សរបស់គាត់ជាច្រើននាក់ ស្លាប់។

កាលពីថ្ងៃពុធ មន្ត្រីម្នាក់នៅក្រសួងមហាផ្ទៃអាហ្វហ្គានីស្ថាន បានប្រាប់សារព័ត៌មានស៊ីនហួថា មនុស្ស ៤នាក់ ក្នុងនោះមានលោក Haqqani ម្នាក់ផង ត្រូវបានសម្លាប់ និង៤នាក់ផ្សេងទៀត រួមទាំងអង្គរក្សបស់ លោក Haqqani បានរងរបួសយ៉ាងធ្ងន់ធ្ងរ បន្ទាប់ពីការវាយប្រហារនោះ។

លោក Haqqani គឺជាសមាជិកគណៈរដ្ឋមន្ត្រីដំបូងដែលត្រូវបានសម្លាប់ ចាប់តាំងពីរដ្ឋាភិបាលចាំផ្ទះអាហ្វហ្គានីស្ថាន ឡើងកាន់អំណាច ក្នុងឆ្នាំ ២០២១។