រដ្ឋមន្រ្តីក្រសួងការពារជាតិប៉ូឡូញលោក Wladyslaw Kosiniak-Kamysz និយាយថា ប្រទេសប៉ូឡូញ បានចុះហត្ថលេខាលើកិច្ចសន្យាតម្លៃ ២៩៥លានដុល្លារជាមួយក្រុមហ៊ុនសហរដ្ឋអាមេរិក General Atomics ដើម្បីទិញយានដ្រូន MQ-9B Sky Guardian ។

ស្រពពេលកើតមានជម្លោះនៅក្នុងប្រទេសអ៊ុយក្រែន ប៉ូឡូញនឹងបញ្ជាទិញទ្រង់ទ្រាយធំនូវគ្រឿងយុទ្ធោបករណ៍ និងសញ្វវុធ ហើយការចំណាយការពារជាតិឆ្នាំ ២០២៥ នឹងឈានដល់ ៤,៧ភាគរយនៃផលិតផលក្នុងស្រុកសរុប(GDP) ។

លោក Wladyslaw និយាយថា យានដ្រូនអាមេរិក នឹងត្រូវចែកចាយដល់ប្រទេសប៉ូឡូញនៅត្រីមាសដំបូងក្នុងឆ្នាំ ២០២៧ ហើយបច្ចុប្បន្នកងទ័ពកំពុងជួលសេរីចាស់របស់គ្រឿងយុទ្ធោបករណ៍ទាំងនេះ ។

លោកថា យានដ្រូនដែលអាចហោះហើរបានរយៈពេលប្រហែល ២០ម៉ោងនេះ មានគោលដៅសំខាន់លើសកម្មភាពស៊ើបការណ៍ ប៉ុន្តែវានឹងវាយប្រហារផងដែរ បើសិនជាចាំបាច់ ។ 

លោកនិយាយថា យានដ្រូននេះ មានសមត្ថភាពស៊ើបការណ៍ដ៏អស្ចារ្យបំផុត នេះគឺជាបច្ចេកវិទ្យាចុងក្រោយដ៏ទំនើបបំផុត ដែលមានតម្លៃ ពីព្រោះថាពួកយើងនឹងចំណាយប្រហែល ៣១០លានដុល្លារ សម្រាប់យានដ្រូនប៉ុន្មានគ្រឿងប៉ុណ្ណោះ ។ វាគឺជាការចំណាយច្រើន ប៉ុន្តែវាគឺជាឧបករណ៍ដេលមានគុណភាពខ្ពស់បំផុត ពួកយើងវិនិយោគលើឧបករណ៍ល្អបំផុត ។

លោក Wladyslaw បានបញ្ជាក់ទៀតថា កាលពីរយៈពេលប៉ុន្មានខែមុន លោកបានប្រកាសពីការបង្កើតកងកម្លាំងយានដ្រូន ដែលវានឹងក្លាយជាការពិត ហើយចាប់ពីថ្ងៃទី ១ ខែមករា ឆ្នាំ ២០២៥ខាងមុខនេះតទៅ កងកម្លាំងយានដ្រូនលែងជាផែនការទៀតហើយ ប៉ុន្តែវាគឺជាផ្នែកមួយពិតប្រាកដរបស់កងទ័ពប៉ូឡូញ ៕