សារព័ត៌មាន Blick បានរាយការណ៍ថា សមាជិកសភាស្វ៊ីសប្រហែល ១០០រូប បានទទួលលិខិតគំរាមកំហែង និងការអំពាវនាវឲ្យបញ្ឈប់ការស្លាប់ដ៏ច្រើនរបស់កុមារប៉ាឡេស្ទីន នៅតំបន់ហ្កាហ្សាស្ទ្រីបពីការស្រេកឃ្លាន។ លិខិតជាច្រើនត្រូវបានអមដោយថង់តូចមួយនៃម្សៅខ្មៅ ដែលបញ្ចេញក្លិនប្លែកៗ។

យោងតាមរបាយការណ៍បានឲ្យដឹងថា លិខិតទាំងនោះ បានចោទសមាជិកសភាស្វ៊ីស ពីបទបង្កជម្លោះក្នុងអំពើប្រល័យពូជសាសន៍ នៅក្នុងដែនដីប៉ាឡេស្ទីន។ អត្ថបទនិយាយថា ក្លិនក្រអូបនៃម្សៅខ្មៅ «សាយភាយពេញតំបន់ហ្កាហ្សា»។ នគរបាល បានប្រាប់កាសែតនេះថា សារធាតុនេះ មិនបង្កគ្រោះថ្នាក់ដល់សុខភាពទេ។ លិខតទាំងនោះ ក៏រួមបញ្ចូលរូបថតកុមារប៉ាឡេស្ទីន ដែលស្លាប់ និងរបួស និងលេខកូដ QR ដែលនាំឲ្យឃើញវីដេអូរបស់កុមារប៉ាឡេស្ទីនមានរលាកពេញខ្លួន។ នរគបាលទីក្រុងBern Cantonal កំពុងស៊ើបអង្កេតឧប្បត្តិហេតុនេះ។

កាលពីថ្ងៃទី ០២ ខែធ្នូ អគ្គលេខាធិការអង្គការសហប្រជាជាតិ លោក អង់តូនីញ៉ូ ហ្គុយតឺរេស (Antonio Guterres ) បានរាយការណ៍អំពីទុរ្ភិក្សដែលកំពុងរីករាលដាល នៅតំបន់ហ្កាហ្សាស្ទ្រីប។ យោងតាមលោក ហ្គុយតឺរេស ក្នុងរយៈពេល ៤ ខែកន្លងមកនេះ កុមារប្រហែល ១៩.000នាក់ ត្រូវបានសម្រាកព្យាបាលនៅមន្ទីរពេទ្យ ដោយសារតែការស្រេកឃ្លានធ្ងន់ធ្ងរដែលស្ទើរតែពីរដងច្រើនជាង នៅក្នុងពាក់កណ្តាល   ឆ្នាំ ២០២៤។