អបអរសាទរកម្មវិធីសម្តែងសិល្បៈពិសេស ឆ្នាំនៃការផ្លាស់ប្តូរប្រជាជន និងប្រជាជនចិន-កម្ពុជា ឆ្នាំ២០២៤ ក្រោមចំណងជើង «ពាក្យសច្ចាពណ៌មាស» រៀបចំដោយស្ថាន​ទូតចិន​ប្រចាំ​ព្រះ​រាជា​ណា​ចក្រកម្ពុជា និងក្រសួងវប្បធម៌ និងវិចិត្រសិល្បៈ នៃព្រះរាជាណាចក្រកម្ពុជា និងទទួល​រៀបចំ​ដោយ​រោង​មហោស្រពតន្រី្ត និងរបាំទីក្រុងអ៊ូស៊ីប្រទេសចិន និងនាយកដ្ឋានសិល្បៈទស្សនីយភាព នៃ​ក្រសួងវប្បធម៌និងវិចិត្រសិល្បៈ នាល្ងាចថ្ងៃទី១៤ ខែធ្នូ ឆ្នាំ២០២៤ នៅសាលសន្និសីទចតុម្មុខ រាជធានីភ្នំពេញ។

ឯកឧត្តម Wang Wenbin ឯកអគ្គរដ្ឋទូចចិនប្រចាំកម្ពុជា សូមស្វាគមន៍​ភ្ញៀវ​កិតិ្តយស​ដែល​បាន​ចូល​រួម​កម្មវិធីសម្តែងសិល្បៈនៅថ្ងៃនេះ ជាបឋមក្នុង​នាម​ស្ថាន​ទូត​ចិន​ប្រចាំ​ព្រះរាជា​ណា​ចក្រ​កម្ពុជា សូមគោរពយ៉ាងខ្ពង់ខ្ពស់បំផុតចំពោះក្រុមសិល្បករ សិល្បការិនីវាងប្រទេសចិន និងកម្ពុជា ដែ​ល​បានចូលរួមក្នុងការសម្តែងក្នុងនារាត្រីនេះ និងសូមថ្លែងអំណរ​គុណ​យ៉ាង​ស្មោះស្ម័​គ្រជូ​ន​ចំពោះ​ក្រសួងវប្បធម៌ និងវិចិត្រសិល្បៈរបស់ប្រទេសកម្ពុជា ដែលបានគាំទ្រយ៉ាងពេញទំហឹង។ ក្រុម​សម្តែងសិល្បៈនារាត្រីនេះ មកពីទីក្រុងអ៊ូស៊ី (Wuxi Song and Dance) ជាក្រុម​សិល្បៈ​ដ៏​ល្បីល្បាញនៅក្នុងប្រទេសចិន ហើយបានទៅសម្តែង និងទស្សនាបណ្តាប្រទេសជាង៣០ និង​តំបន់ ហើយបានចូលរួមក្នុងកម្មវិធីសម្តែងនៅពិធីបុណ្យចូលឆ្នាំថ្មី នៅប្រទេសចិន និង​ទទួល​បាន​ការ​វាយ​តម្លៃខ្ពស់ នៅតាមបណ្តាប្រទេសក្នុងពិភពលោកផងដែរ។

ឯកឧត្តម Wang Wenbin បានបន្តថា កាលពីថ្ងៃទី១៣ ខែធ្នូ ឆ្នាំ២០២៤ ក្រុម​សិល្បករ​មក​ពីទី​ក្រុង​អ៊ូស៊ី មកដល់កម្ពុជា ក៏បានទៅចូលរួមក្នុងព្រឹតិ្តការណ៍បុណ្យសមុទ្រ លើកទី១១ ឆ្នាំ២០២៤ នៅ​​ខេត្ត​កំពត ក្រោមប្រធានបទ “អបអរសាទរបេតិកភណ្ឌ និងចីរភាពនៃតំបន់ឆ្នេរ” ដែល​​​ប្រព្រឹត្ត​ទៅ​ចាប់ពីថ្ងៃទី១៣ ដល់ថ្ងៃទី១៥ ខែធ្នូ ឆ្នាំ២០២៤ ហើយកម្ម​វិធី​សម្តែង​របស់​ក្រុម​សិល្បករ​មក​ពី​ទីក្រុ​ងអ៊ូស៊ី ទទួលបានការស្វាគមន៍យ៉ាងកក់ក្តៅពីទស្សនិកជន។ នៅរាត្រីនេះ ក្រុមសិល្បករ​សម្តែង​កម្ម​វិធីសិល្បៈ នឹងបង្ហាញការច្រៀង និងរាំដ៏អស្ចារ្យដល់ទស្សនិកជន និងមិត្តភ័ក្តិ ដែល​អនុញ្ញាត​ឱ្យ​អ្នកទាំងអស់គ្នាទទួលបានបទពិសោធន៍យ៉ាងពេញលេញនូវភាពស្រស់ស្អាត និងមាន​ចំណាប់អារម្មណ៍យ៉ាងជ្រាលជ្រៅចំពោះវប្បធម៌ប្រពៃណីរបស់ប្រទេសចិន។ ការសម្តែងពិសេសថ្ងៃនេះក៏ជាការរំលេចនៃ "ឆ្នាំមជ្ឈិមបូព៌ានៃការផ្លាស់ប្តូរវប្បធម៌" ឆ្នាំ2024 រវាងចិន និងកម្ពុជា ។ ចាប់តាំងពីដើមឆ្នាំនេះមក ដោយមានកិច្ចខិតខំប្រឹងប្រែងរួមគ្នារបស់ភាគីទាំងសងខាង ប្រទេសចិន និងកម្ពុជាបានប្រារព្ធនូវសកម្មភាពផ្លាស់ប្តូរប្រជាជន និងប្រជាជន និងវប្បធម៌ជាច្រើនដូចជា "Shaolin Meets Angkor" កិច្ចសន្ទនាយុវជនចិន-កម្ពុជា ការសន្ទនាលើកដំបូងរវាងចិន-កម្ពុជា និងពិព័រណ៍ទេសចរណ៍ចិន-កម្ពុជា បានជម្រុញពង្រឹងទំនាក់ទំនងរវាងប្រជាជន និងប្រជាជន នៃប្រទេសយើងទាំងពីរ។ នារាត្រីនេះ សិល្បករមកពីប្រទេសចិន និងកម្ពុជានឹងរួមគ្នាសម្តែងកម្មវិធីដ៏អស្ចារ្យ ដោយបកស្រាយយ៉ាងរស់រវើកនូវអរិយធម៌ចិន និងអរិយធម៌កម្ពុជា អរិយធម៌ពីរដែលបំពេញគ្នាទៅវិញទៅមក និងចែករំលែកភាពស្រស់ស្អាត និងសូមជូនពរឲ្យកម្មវិធីសម្តែងសិល្បៈរួមគ្នានេះ ឲ្យទទួលបានជោគជ័យនារាត្រីនេះ និងសូមឲ្យចំណងមិត្តភាពចិន និងកម្ពុជា ស្ថិតស្ថេរជាអមតៈ៕ អត្ថបទ រដ្ឋា