ទីប្រឹក្សាជាន់ខ្ពស់រដ្ឋាភិបាលបណ្តោះអាសន្នរបស់ប្រទេសបង់ក្លាដែស លោក Muhammad Yunus នៅថ្ងៃច័ន្ទនេះ បាននិយាយថា វាអាចធ្វើទៅបានដើម្បីរៀបចំការបោះឆ្នោតជាតិបន្ទាប់ នៅចុងឆ្នាំ២០២៥ ឬនៅឆមាសទី១នៃឆ្នាំ២០២៦។ លោក បាននិយាយនៅក្នុងសុន្ទរកថាតាមទូរទស្សន៍ទៅកាន់ប្រជាជាតិនៅម៉ោង១០ព្រឹកម៉ោងក្នុងស្រុក នៅថ្ងៃចន្ទនេះ ដែលកំពុងប្រារព្ធទិវាជ័យជម្នះរបស់ប្រទេសថា «ការបោះឆ្នោត អាចត្រូវបានកំណត់ពេលនៅចន្លោះចុងឆ្នាំ២០២៥ ឬនៅឆមាសទីមួយនៃឆ្នាំ២០២៦។

លោក Yunus បាននិយាយថា លោកបានអំពាវនាវដដែលៗដល់ភាគីទាំងអស់ ឱ្យរៀបចំការបោះឆ្នោត បន្ទាប់ពីបានបំពេញរាល់កំណែទម្រង់សំខាន់ៗដែលចាំបាច់។ លោក និយាយថា ប៉ុន្តែដោយសារការរួមមតិគ្នាផ្នែកនយោបាយ វាអាចនឹងអាចរៀបចំការបោះឆ្នោតនៅចុងឆ្នាំ២០២៥ បន្ទាប់ពីបានបញ្ចប់កំណែទម្រង់មួយចំនួនដោយផ្អែកលើការរៀបចំបញ្ជីឈ្មោះអ្នកបោះឆ្នោតឲ្យបានត្រឹមត្រូវ។

លោក Yunus បានជំរុញឱ្យគណៈកម្មការរៀបចំការបោះឆ្នោត ស្ថាប័នសង្គម និងគណបក្សនយោបាយទាំងអស់ មានកម្មវិធីដែលបង្កើតឡើងផ្សេងៗ ដើម្បីទទួលបាននូវគោលដៅនេះ។

លោកបាននិយាយថា ការបង្កើតជាទម្លាប់បែបនេះ នោះអ្នកបោះឆ្នោតលើកដំបូងក្នុងការបោះឆ្នោតទាំងអស់ រួមទាំងការបោះឆ្នោតរបស់រដ្ឋាភិបាលថ្នាក់តំបន់ នឹងធានាបាននូវការបោះឆ្នោតប្រហែល ១០០ភាគរយ នៅគ្រប់មណ្ឌល។

ទីប្រឹក្សាជាន់ខ្ពស់រូបនេះ បាននិយាយបន្ថែមថា «ប្រសិនបើយើងអាចធានាបានបែបនេះ នៅថ្ងៃអនាគត គ្មានរដ្ឋាភិបាលណា ហ៊ានដណ្តើមយកសិទ្ធិបោះឆ្នោតរបស់ប្រជាជននោះទេ»។

លោក Yunus ដែលជាសេដ្ឋវិទូរបស់ប្រទេសបង់ក្លាដែស បានស្បថចូលកាន់តំណែងជាប្រមុខរដ្ឋាភិបាលបណ្តោះអាសន្នរបស់ប្រទេស កាលពីថ្ងៃទី ៨ ខែសីហា។