ប្រធានគោលនយោបាយការបរទេសរបស់សហភាពអឺរ៉ុប លោកស្រី Kaja Kallas បានប្រកាសនៅពេលមកដល់កិច្ចប្រជុំរដ្ឋមន្ត្រីការបរទេសសហភាពអឺរ៉ុប ចុងក្រោយប្រចាំឆ្នាំ ដែលជាលើកដំបូង ក្រោមការដឹកនាំរបស់លោកស្រីថា សហភាពអឺរ៉ុប កំពុងចូលរួមក្នុងការទំនាក់ទំនងការទូតជាមួយអាជ្ញាធរស៊ីរីថ្មី។  

លោក Kallas បាននិយាយថា៖«ខ្ញុំក៏បានប្រគល់ភារកិច្ចឲ្យប្រមុខការទូតនៅក្នុងប្រទេសស៊ីរី ទៅទីក្រុងដាម៉ាស(Damascus) ដើម្បីធ្វើទំនាក់ទំនងជាមួយរដ្ឋាភិបាលថ្មី និងប្រជាជន នៅទីនោះ»។

យោងតាមលោកស្រី រដ្ឋមន្ត្រីការបរទេសសហភាពអឺរ៉ុប នឹងពិភាក្សាអំពីរបៀប និង «កម្រិតណា» ដែលសហភាពអឺរ៉ុប នឹងចូលរួមជាមួយអាជ្ញាធរស៊ីរីថ្មី និងអ្វីដែលសហភាពអឺរ៉ុប អាចផ្តល់ជូនពួកគេ ប្រសិនបើពួកគេ ផ្លាស់ទី«ទៅកាន់ទិសដៅដ៏ត្រឹមត្រូវនោះ»។