ប្រធានាធិបតីជាប់ឆ្នោតលោក Donald Trump បាននិយាយថា អ៊ុយក្រែនត្រូវតែឈានដល់កិច្ចព្រមព្រៀងមួយដើម្បីបញ្ចប់ការវាយលុករបស់រុស្ស៊ី និងនិយាយសម្រាលពីទឹកដីត្រូវបានរុស្ស៊ីដណ្ដើមកាន់កាប់ ជាសញ្ញាចុងក្រោយដែលលោកអាចជំរុញឱ្យមានដំណោះស្រាយ ដែលកំណត់ការទទួលបានទឹកដីរបស់រុស្ស៊ី។

លោក Trump បាននិយាយដល់ប្រធានាធិបតីអ៊ុយក្រែន Volodymyr Zelenskiy ខណៈនិយាយកាលពីថ្ងៃចន្ទនៅគេហដ្ឋាន ម៉ា-អា-ឡាហ្គោ ( Mar-a-Lago)រដ្ឋ Florida របស់លោកថា មេដឹកនាំអ៊ុយក្រែនគួរតែត្រូវបានត្រៀមដើម្បីធ្វើកិច្ចព្រមព្រៀងនោះ។ត្រូវតែមានកិច្ចព្រមព្រៀងព្រោះមនុស្សស្លាប់ច្រើនពេកហើយ។

លោក Trump បាននិយាយថា នឹងចំណាយពេលមួយសតវត្សរ៍ ដើម្បីកសាងទីក្រុងនានារបស់អ៊ុយក្រែនឡើងវិញដោយការលុកលុយរបស់រុស្ស៊ី ហើយបានច្រានចោលក្តីសង្ឃឹមរបស់អ៊ុយក្រែន ក្នុងការដណ្តើមយកទឹកដីដែលរុស្ស៊ីបានរឹបអូស មកវិញ។

លោក Trump បាននិយាយច្រើនលើកច្រើនសារកាលពីថ្ងៃចន្ទថាលោកជឿថាមេដឹកនាំរុស្ស៊ី Vladimir Putinនឹងមិនឈ្លានពានអ៊ុយក្រែនឡើយ ប្រសិនបើលោកកាន់តំណែង ហើយបានរិះគន់រដ្ឋបាលរបស់លោកប្រធានាធិបតី Joe Biden ចំពោះការសម្រេចចិត្តអនុញ្ញាតឱ្យអ៊ុយក្រែនប្រើប្រាស់ប្រព័ន្ធមីស៊ីលយុទ្ធសាស្ត្រកងទ័ព អាតាខឹមស៍ (ATACMS) ដើម្បីវាយប្រហារកាន់តែជ្រៅចូលទៅក្នុងទឹកដីរុស្ស៊ី។ មីស៊ីលទាំងនោះ មានចម្ងាយប្រហែល ៣០០ គីឡូម៉ែត្រ ៕