ឯកឧត្តមបណ្ឌិត ថោង ខុន រដ្ឋមន្រ្តីក្រសួងទេសចរណ៍ បានជួបប្រជុំជាមួយក្រមហ៊ុន Union Group ដើម្បីត្រៀមរៀបចំតំបន់តារាសាគរនៃខេត្តកោះកុងជាគោលដៅទទួលទេសចរណ៍វ៉ាក់សាំង នាចុងខែ វិច្ឆកា ខាងមុខនេះ។ កិច្ចប្រជុំនេះប្រព្រឹត្តទៅ នាល្ងាចថ្ងៃទី ៣០ ខែតុលា ឆ្នាំ ២០២១ នាសាលប្រជុំនៃ សណ្ឋគារតារាសាគរ ខេត្តកោះកុង។ 

ឯកឧត្តមបណ្ឌិត ថោង ខុន រដ្ឋមន្រ្តីក្រសួង ទេសចរណ៍បានថ្លែងថា រាល់អ្នកទេសចរអន្តេជាតិ ដែលមកកម្សាន្ត នៅតំបនតារាសាគរចំបាច់ត្រូវតែអនុវត្តតាមវិធានការគោលនយោបាយជំរុញចលនា ទេសចរណ៍ផ្ទៃក្នុងឱ្យបានខ្ជាប់ខ្ជួន។ ឯកឧត្តមរដ្ឋមន្រ្តី ក៏បានណែនាំឱ្យខាងអ្នកគ្រប់គ្រប់គ្រងតំបន់ តារាសាគរត្រូវរៀបចំ ច្រកចេញចូលដែល មានអនុវត្តនូវវិធានសុខាភិបាល និងត្រូវគោរពតាមគោល ការប្រតិបត្តិស្ដង់ដារ SOP ឱ្យបានខ្ជាប់ខ្ជួន ដើម្បីធានាបានថាទីកន្លែងផ្ដល់សេវាកម្មទេចរណ៍របស់ ខ្លួនមានសុវត្ថិភាពជូន ដល់ភ្ញៀវដែលចូលមក កម្សាន្ត។ 

ឯកឧត្តមបានគូសបញ្ជាក់ទៀតថា រាល់ភ្ញៀវទេសរអន្តរជាតិដែលចូលកម្ពុជាតាមយន្តហោះត្រូវចុះ នៅអាកាសយានដ្ឋានអន្តរជាតិកងកេង ខេត្តព្រះសីហនុ បន្ទាប់មកត្រូវធ្វើដំណើរតាមកប៉ាល់ដើម្បី បន្តទៅតាំងទេសចរណ៍វ៉ាក់សាំងនីមួយៗ ដោយក្រសួងមិនអនុញ្ញាតឱ្យភ្ញៀវទេសចរបរទេសធ្វើ ដំណើរកម្សាន្តតាម រថយន្តនោះទេ។ តែបើសិនជាមជ្ឈមណ្ឌលវិស្សមកាលតារាសាគរចង់ឱ្យ ភ្ញៀវទេសចរធ្វើដំណើរ តាមរថយន្ត គឺតម្រូវឱ្យ មានកិច្ចព្រមព្រៀងឱ្យច្បាស់ជាមួយអាជ្ញាធរដើម្បី ជៀសវាងភ្ញៀវទេសចរមានបញ្ហាពាក់ព័ន្ធនឹងជំងឺកូវីដ ១៩ ហើយរត់គេចខ្លួន។ ម្យ៉ាងវិញទៀតរាល់ ភ្ញៀវបរទេសដែលត្រឡប់ទៅវិញត្រូវធ្វើតេស្ត PCR ទាំងអស់ ដើម្បីធានាថាមានសុវត្ថិភាពគ្រប់គ្រាន់ មុន ពេលចាកចេញពីកម្ពុជា។ 

ក្រសួងទេសចរណ៍បានទុកឱកាសឱ្យមជ្ឈមណ្ឌលវិស្សមកាលតារាសាគរត្រៀមរៀបចំអនុវត្តតាមការណែនាមរបស់រាជរដ្ឋាភិបាល និងវិធាន SOP ឱ្យបានត្រឹមត្រូវ នោះក្រសួងនឹងប្រគល់ឡាប៊ែល សម្គាល់ទីកន្លែងសុវត្ថិភាពជូនដល់សណ្ឋាគារ ហើយនិងប្រកាសបើកនាតំបន់ទេសចរណ៍វ៉ាក់សាំង នាថ្ងៃទី ៣០ ខែវិច្ឆិកា ខាងមុខ។ ឯកឧត្តមបានសង្កត់ធ្ងន់ថា នេះជាវិញ្ញាសារសំខាន់សម្រាប់ដាក់ជូន សណ្ឋាគារ ហើយបើសិនជាអនុវត្តបានខ្ជាប់ខ្ជួន យើងសង្ឃឹមអាចបើកប្រទេសឡើងវិញនាពេល ឆាប់ៗខាងមុខនេះ។ 

ក្នុងឱកាសនេះដែរ ឯកឧត្តមបណ្ឌិត ថោង ខុន ជួសមុខឱ្យសម្ដេចតេជោនាយករដ្ឋមន្រ្តីបានថ្លែង អំណរគុណដល់មិត្តចិនដែលតែងតែផ្ដល់វ៉ាក់សាំងបង្ការជំងឺកូវីដ១៩មកកម្ពុជា។ ជាមួយគ្នានោះ ឯកឧត្តម គ្រោងនឹងជួបជាមួយខាងស្ថានទូតចិន ដើម្បីជួយជំរុញភ្ញៀវទេសចរចិនមកទស្សនាកម្ពុជា ឱ្យកាន់តែច្រើនថែមទៀត។ 

តំណាងក្រុមហ៊ុន Union Group បានថ្លែងអំណរគុណដល់រាជរដ្ឋាភិបាលកម្ពុជាដែល បានខិតខំទប់ ស្កាត់កូវីត១៩ និងបានជ្រើសរើសតំបន់តារាសាគរជាតំបន់បើកទេសចរណ៦វ៉ាក់សាំង។ ខាងក្រុមហ៊ុនក៏បានប្ដេជាអនុវត្តគោលនយោបាយណែនាំ វិធានសុខាភិបាល និងវិធានទេសចរណ៍ ឱ្យក្លាយជាតំបន់ទេសចរណ៍វ៉ាក់សាំងដែលមានសុវត្ថិភាពដើម្បីផ្ដល់ទំនុកចិត្តដល់អ្នកទេសចរ។ 

ឯកឧត្តម ឃឹម ចន្ទធី អភិបាលរងខេត្តកោះកុង បានថ្លែងគាំទ្រចពោះផែនការយុទ្ធសាស្រ្តរបស់ រាជរដ្ឋាភិបាលស្ដីពីការបើកទទួលទេសចរណ៍វ៉ាក់សាំង និងវិធានការគោលនយោបាយជំរុញ ចលនាទេសចរណ៍ផ្ទៃក្នុងឆ្នាំ ២០២១-២០២៣។ ដោយឡែកចំពោះការវាយតម្លៃលើផ្នែកសុខាភិបាល នៃខេត្តកោះកុងជុំវិញជំងឺកូវីដ១៩វិញមិនមែនជាបញ្ហាចោទទៀតទេ ពោលគឺអាចរៀបចំទីតាំង ទេសចរណ៍នៅតំបន់នេះប្រកបដោយសុវត្ថិភាព។  

ជាមួយគ្នានេះដែរ ក្រសួងទេសចរណ៍ តាមរយៈ ក្រុមហ៊ុន Wonder Pass ក៏បានផ្ដល់ម៉ាសចំនួន ៥ម៉ឺន ម៉ាស់ជូនដល់ មជ្ឈមណ្ឌលវិស្សមកាសតារាសាគរ ក្នុងទិសដៅលើកកម្ពស់ទេសចរណ៍ ក្នុងបរិបទកូវីដ១៩ នៅតំបន់នេះ៕ 

អត្ថបទ៖ ចេន សុជាតា