តំណាងអចិន្ត្រៃយ៍រុស្ស៊ីប្រចាំនៅអង្គការសហប្រជាជាតិ លោក Vasily Nebenzya បាននិយាយនៅក្នុងសម័យប្រជុំក្រុមប្រឹក្សាសន្តិសុខអង្គការសហប្រជាជាតិស្តីពីស៊ីរីថា រុស្ស៊ីអំពាវនាវឲ្យអ៊ីស្រាអែល កសាងទំនាក់ទំនង ជាមួយប្រទេសស៊ីរី ដោយឈរលើមូលដ្ឋានសមធម៌ និងផលប្រយោជន៍ទៅវិញទៅមក ហើយមិនមែនមកពីជំហរនៃការប្រើកម្លាំងទេ។

អ្នកការទូតរូបនេះ បានកត់សម្គាល់ឃើញថា៖«ការគំរាមកំហែងយ៉ាងធ្ងន់ធ្ងរស្មើៗគ្នាចំពោះប្រជាជនស៊ីរីនាពេលបច្ចុប្បន្ននេះ កើតចេញពីសកម្មភាពរបស់អ៊ីស្រាអែល ដែលក្រោមលេសនៃការការពារខ្លួន និងធានាសន្តិសុខរបស់ខ្លួន - បានចាប់ផ្តើមប្រតិបត្តិការទ្រង់ទ្រាយធំប្រកបដោយប្រសិទ្ធភាព ដើម្បីរុះរើសមត្ថភាពការពាររបស់ប្រទេសស៊ីរី»។

លោកបានជំរុញកុំឲ្យ «បោសនៅក្រោមកម្រាលព្រំ» ការពិតមួយចំនួន ដែលមិនងាយស្រួលសម្រាប់រដ្ឋ   ជ្វីហ្វ។ លោក Nebenzya បានចង្អុលបង្ហាញថា៖«ប្រសិនបើអ៊ីស្រាអែលពិតជាចង់បានទំនាក់ទំនងល្អជាមួយប្រទេសជិតខាងរបស់ខ្លួន វាចាំបាច់ក្នុងការកសាងពួកវា មិនមែនដោយប្រើកម្លាំងទេ ប៉ុន្តែផ្អែកលើមូលដ្ឋានសមធម៌ និងផលប្រយោជន៍ទៅវិញទៅមក»។

យោងតាមលោក ចាប់តាំងពីថ្ងៃទី ០៨ ខែធ្នូ កងកម្លាំងអាកាសរបស់អ៊ីស្រាអែល បានធ្វើការវាយប្រហារតាមអាកាសជាង ៥០លើក លើទឹកដីស៊ីរី ខណៈដែលកងទ័ពអ៊ីស្រាអែល បានបើកការឈ្លានពានដី នៅក្នុងតំបន់ខ្ពង់រាប Golan Heights ដែលខ្លួនបានគ្រប់គ្រង ដោយបំពានលើកិច្ចព្រមព្រៀងឆ្នាំ ១៩៧៤ ស្តីពី បញ្ចប់សង្គ្រាម។