ប្រធានាធិបតីទួរគីលោក រ៉េសិប តាយីប អឺដូហ្កាន់ (Recep Tayyip Erdogan) បាននិយាយថា ប្រទេសស៊ីរី មិនគួរក្លាយជាកន្លែងបណ្តុះបណ្តាលនៃអំពើភេរវកម្មទេ ហើយការប្រយុទ្ធប្រឆាំងនឹងគណបក្សពលករឃើដ (PKK ដែលត្រូវចាត់ទុកថាខុសច្បាប់នៅក្នុងប្រទេសទួរគី) និងក្រុមភេរវកររដ្ឋឥស្លាម (IS ដែលត្រូវចាត់ទុកថាខុសច្បាប់នៅក្នុងប្រទេសរុស្ស៊ី) ត្រូវតែបន្ត។

លោកបានចង្អុលបង្ហាញនៅក្នុងសន្និសីទសារព័ត៌មានមួយ បន្ទាប់ពីកិច្ចពិភាក្សាជាមួយប្រធានគណៈកម្មការអឺរ៉ុបលោកស្រី Ursula von der Leyenថា៖« សម្រាប់ប្រទេសស៊ីរី យើងត្រូវការពារប្រទេសនេះ មិនឲ្យក្លាយជាកន្លែងសាបព្រួសនៃអំពើភេរវកម្មទេ។ ការប្រយុទ្ធប្រឆាំងនឹងក្រុម IS និង PKK និងអង្គការពាក់ព័ន្ធ គឺជាបញ្ហាចម្បងមួយ ដែលយើងបានពិភាក្សា។

លោក អឺដូហ្កាន់ បានបន្ថែមថា៖«ទួរគីគឺជាប្រទេសតែមួយគត់ និងជាសម្ព័ន្ធមិត្ត ដែលបានកម្ចាត់អង្គការភេរវករទាំងពីរនេះ។ យើងពិតជានឹងមិនអនុញ្ញាតឲ្យអង្គការទាំងនេះ រីកចម្រើនម្តងទៀតនោះទេ។

មេដឹកនាំទួរគីនេះ បានកត់សម្គាល់ថា៖«ប្រជាជនស៊ីរី នឹងមិនអាចទទួលបន្ទុកដ៏ធ្ងន់បានទេ» ដោយត្រូវ  កសាងប្រទេសឡើងវិញ និងពង្រឹងសន្តិសុខជាតិតែម្នាក់ឯងទេ។ លោក អឺដូហ្កាន់ បាននិយាយថា៖« ប្រទេសជិតខាងរបស់ស៊ីរី មិត្តភ័ក្តិ និងប្រជាជាតិជាបងប្អូន គួរតែចាប់ផ្តើមចាត់វិធានការភ្លាមៗ ដោយមានការគាំទ្រយ៉ាងច្រើនពីសហភាពអឺរ៉ុប និងអង្គការអន្តរជាតិ។ ខ្ញុំកំពុងធ្វើឲ្យរឿងនេះច្បាស់ណាស់នៅថ្ងៃនេះ។ ជាអកុសល សហគមន៍អន្តរជាតិ មិនបានផ្តល់ការគាំទ្រគ្រប់គ្រាន់ដល់ប្រជាជនស៊ីរី ខណៈដែលពួកគេ បានរងគ្រោះដោយអំពើហិង្សាក្នុងអំឡុងពេល ១៣ឆ្នាំកន្លងទៅនេះ។ ឥឡូវនេះ ឱកាសនេះ បានបង្ហាញខ្លួនឯងថា កំពុងខ្វះជំនួយ»។