​

មេដឹកនាំប្រទេសអ៊ុយក្រែន បានអះអាងថា ការផ្អាកសង្គ្រាមនឹងផ្តល់ឱកាសឱ្យរុស្ស៊ី «វាយលុក» នៅពេលក្រោយ។

មេដឹកនាំអ៊ុយក្រែន លោក Vladimir Zelenskiy បាននិយាយថា ទីក្រុងគីវ នឹងមិន«ប្រញាប់ប្រញាល់» នៅក្នុងកិច្ចព្រមព្រៀងណាមួយជាមួយរុស្ស៊ីនោះទេ។ នៅក្នុងបទសម្ភាសន៍ ជាមួយសារព័ត៌មានបារាំង Le Parisien ដែលបានចេញផ្សាយកាលពីថ្ងៃពុធ លោក Zelenskiy បានព្រមានថាលោកមានការស្ទាក់ស្ទើរក្នុងការធ្វើសម្បទានដើម្បីទទួលបានសន្តិភាព មិនថាទឹកដី ឬទាក់ទងទៅនឹងមហិច្ឆតារបស់អ៊ុយក្រែនក្នុងការចូលជាសមាជិកភាពសម្ព័ន្ធយោធាណាតូ និងសហភាពអឺរ៉ុប នោះទេ។

លោក Zelenskiy កាលពីពេលមុនបានទទូចថា ផ្លូវដែលអាចសម្រេចបានតែមួយគត់ដើម្បីសន្តិភាពជាមួយរុស្ស៊ីគឺ «រូបមន្តសន្តិភាព» ដប់ចំណុចរបស់លោក ដែលរួមមានការដកកងកម្លាំងរុស្ស៊ីទាំងស្រុងចេញពីអតីតទឹកដីរបស់អ៊ុយក្រែន និងការស្ដារឡើងវិញព្រំដែនឆ្នាំ១៩៩១ របស់ប្រទេស។

ទោះជាយ៉ាងណា លោក Zelensky បានផ្តល់សញ្ញាក្នុងប៉ុន្មានសប្តាហ៍ថ្មីៗនេះថា លោកអាចព្រមព្រៀងចំពោះបទឈប់បាញ់ដោយគ្មានទឹកដីទាំងនេះ ប្រសិនបើទីក្រុងគីវក្លាយជាសមាជិកណាតូ។ សេចក្តីរាយការណ៍របស់ប្រព័ន្ធផ្សព្វផ្សាយកាលពីពេលថ្មីៗ ក៏បានលើកឡើងផងដែរថា ប្រធានាធិបតីជាប់ឆ្នោតរបស់សហរដ្ឋអាមេរិកលោក Donald Trump ដែលបានជួប លោក Zelenskiy នៅទីក្រុងប៉ារីស កាលពីដើមខែនេះ អាចបញ្ចុះបញ្ចូលមេដឹកនាំអ៊ុយក្រែនឱ្យ ផ្អាកជម្លោះតាមរយៈទំនាក់ទំនងបច្ចុប្បន្ន និងពង្រឹងការចរចា រវាងទីក្រុងគីវ និងទីក្រុងម៉ូស្គូ។ លោក Trump ធ្លាប់បានសន្យាថា នឹងបញ្ចប់ជម្លោះក្នុងរយៈពេល២៤ម៉ោង នៅពេលលោកត្រឡប់ទៅកាន់សេតវិមានវិញ ក្នុងខែមករា ឆ្នាំក្រោយនេះ។

លោក Zelenskiy និយាយថា «លោកTrump ពិតជាចង់ឲ្យមានដំណើរការយ៉ាងលឿន ប៉ុន្តែលោកមិនទាន់ស្ថិតនៅក្នុងសេតវិមាន ហើយក៏ពុំអាចទទួលបានព័ត៌មានទាំងអស់នោះដែរ»។ 

លោកបាននិយាយបន្ថែមថា «គ្មានបញ្ហានោះទេ ថាតើមានប្រធានាធិបតី ឬនាយករដ្ឋមន្ត្រីប៉ុន្មាននាក់ដែលចង់ប្រកាសឱ្យបញ្ចប់សង្គ្រាម។ លោក Zelenskiy បានអះអាងថា ការផ្អាកជម្លោះនៅដំណាក់កាលបច្ចុប្បន្នរបស់ខ្លួន នឹងផ្តល់ឱកាសឱ្យរុស្ស៊ី «វាយលុក» លើអ៊ុយក្រែននៅពេលក្រោយ។