ជនអន្តោប្រវេសន៍រាប់សិបនាក់ បានបោះជំរំចាប់ពីយប់ថ្ងៃពុធ រហូតដល់យប់ថ្ងៃព្រហស្បតិ៍ នៅជិតព្រំដែនសហរដ្ឋអាមេរិក-ម៉ិកស៊ិក ស្ថិតក្នុងទីក្រុង Ciudad Juarez ដោយស៊ូទ្រាំ នឹងអាកាសធាតុត្រជាក់ខ្លាំងរហូតដល់សីតុណ្ហភាពកក ខណៈពួកគេសង្ឃឹមថា នឹងមានឱកាសឆ្លងកាត់ចូលទៅក្នុងទឹកដីសហរដ្ឋអាមេរិក ។

ពួកគេបាននាំគ្នាអង្គុយជុំវិញពពក់ភ្លើងក្នុងជំរំ សណ្តប់កំណាត់ក្រាស់ៗ និងភួយ ដើម្បីទប់ទល់នឹងអាកាសធាតុត្រជាក់ខ្លាំង ។ ក្រុមសកម្មជនមកពីអង្គការក្រៅរដ្ឋាភិបាល បានជំរុញឲ្យក្រុមជនអន្តោប្រវេសន៍ ស្វែងរកទីជម្រក និងបង្ហាញក្តីបារម្ភចំពោះកូនៗរបស់ពួកគេដែលមានវត្តមាននៅទីនោះផងដែរ ។

កាលពីថ្ងៃពុធកន្លងទៅ ជនអន្តោប្រវេសន៍ជាច្រើន បានព្យាយាមបំពានរបាំងការពារ ប៉ុន្តែពួកគេត្រូវបានរុញច្រានទៅវិញដោយការបាញ់ទឹកម្រេច និងគ្រាប់កាំភ្លើងកៅស៊ូ ពីភ្នាក់ងាឆ្នាំរដ្ឋ Texas ។

អ្នកស្រី Alejandra Coronado គឺជាប្រធានសេវាកម្មជនភៀសខ្លួន Jesuit និយាយថា អ្វីដែលព្រួយបារម្ភខ្លាំងបំផុត គឺវត្តមានរបស់ក្មេងៗ និងក្មេងៗជំទង់នៅទីនេះ ដែលពិបាកទ្រាំទ្រនឹងអាកាសធាតុត្រជាក់ខ្លាំង ។ 

អ្នកស្រីបន្តថា មនុស្សទាំងអស់នេះ និយាយប្រាប់ពួកយើងថា ពួកគេបានចំណាយពេលពេញមួយយប់នៅទីនេះ ដែលវាឆ្លុះបញ្ចាំងពីបញ្ហារួចហើយ ៕