ប្រធានាធិបតីជាប់ឆ្នោតរបស់សហរដ្ឋអាមេរិក លោក Donald Trump បាននិយាយកាលពីថ្ងៃសុក្រថា សហភាពអឺរ៉ុបគួរតែបង្កើនការនាំចូលប្រេង និងឧស្ម័នរបស់សហរដ្ឋអាមេរិក ពុំនោះនឹងត្រូវប្រឈមការដំឡើងពន្ធលើការនាំចេញរបស់ប្លុកនេះ ដែលរួមមានទំនិញដូចជារថយន្ត និងគ្រឿងម៉ាស៊ីនជាដើម។

យោងតាមទិន្នន័យរបស់រដ្ឋាភិបាលសហរដ្ឋអាមេរិក សហភាពអឺរ៉ុបបានទិញប្រេង និងឧស្ម័នពីសហរដ្ឋអាមេរិកក្នុងបរិមាណដ៏ច្រើនរួចមកហើយ ។

ពុំមានបរិមាណបន្ថែមទេនាពេលបច្ចុប្បន្ននេះ ខណៈសហរដ្ឋអាមេរិកកំពុងនាំចេញតាមសមត្ថភាព ប៉ុន្តែលោក Trump បានសន្យាថានឹងបង្កើនការផលិតប្រេង និងឧស្ម័នបន្ថែមទៀត។

លោក Trump បាននិយានៅលើបណ្ដាញសង្គម Truth Socialថា ខ្ញុំបានប្រាប់សហភាពអឺរ៉ុបថា ពួកគេត្រូវតែបង្កើតឱនភាពដ៏ច្រើនរបស់ពួកគេជាមួយសហរដ្ឋអាមេរិក តាមរយៈការទិញប្រេង និងឧស្ម័នរបស់យើងជាទ្រង់ទ្រាយធំ។

គណៈកម្មការអឺរ៉ុបបាននិយាយថា ខ្លួនបានត្រៀមរួចជាស្រេចដើម្បីពិភាក្សាជាមួយលោក Trump អំពីរបៀបពង្រឹងអ្វីដែលខ្លួនបានពិពណ៌នាថាជាទំនាក់ទំនងដ៏រឹងមាំរួចទៅហើយ រួមទាំងក្នុងវិស័យថាមពលផងដែរ៕