ប្រធាននៃស្ថាប័នស៊ើបអង្កេតរបស់អង្គការសហប្រជាជាតិសម្រាប់ប្រទេសស៊ីរីដែលកំពុងបំពេញទស្សនកិច្ច បាននិយាយកាលពីថ្ងៃអាទិត្យថា ខ្លួនអាចរកឃើញភ័ស្តុតាងច្រើនជាងគ្រប់គ្រាន់ ដើម្បីកាត់ទោសមនុស្សពីបទឧក្រិដ្ឋកម្មប្រឆាំងនឹងច្បាប់អន្តរជាតិ ប៉ុន្តែមានតម្រូវការជាបន្ទាន់ ដើម្បីធានានិងការពារវា។

ទ្វារនៃពន្ធនាគាររបស់ប្រទេសស៊ីរី ត្រូវបានបើកទ្វារ បន្ទាប់ពីសម្ព័ន្ធមិត្តឧទ្ទាមដឹកនាំដោយរដ្ឋឥស្លាម បាន  បណ្តេញមេដឹកនាំយូរអង្វែងលោក អាសា អាល់អាសាដ (Bashar al-Assad)ក្នុងខែនេះ រយៈពេលជាង ១៣ ឆ្នាំបន្ទាប់ពីការគាបសង្កត់យ៉ាងឃោរឃៅរបស់គាតចំពោះការតវ៉ាប្រឆាំងរដ្ឋាភិបាលបានបង្កឲ្យមានសង្រ្គាម ដែលនឹងសម្លាប់មនុស្សជាង ៥០០.000នាក់។

ជាមួយនឹងក្រុមគ្រួសារប្រញាប់ប្រញាល់ ទៅកាន់អតីតពន្ធនាគារ មណ្ឌលឃុំឃាំង និងផ្នូរដ៏ធំដែលត្រូវបានចោទប្រកាន់ ដើម្បីស្វែងរកដាននៃសាច់ញាតិដែលបានបាត់ខ្លួននោះ មនុស្សជាច្រើន បានសម្តែងការព្រួយបារម្ភអំពីការការពារឯកសារ និងភ័ស្តុតាងផ្សេងទៀត។

លោក Robert Petit ដែលជាប្រធានយន្តការមិនលម្អៀង និងឯករាជ្យអន្តរជាតិ (IIIM) ដែលបង្កើតឡើងដោយអង្គការសហប្រជាជាតិ ក្នុងឆ្នាំ ២០១៦ បាននិយាយថា៖«យើងមានលទ្ធភាពនៅទីនេះ ដើម្បីស្វែងរកភ័ស្តុតាងច្រើនលើសពីគ្រប់គ្រាន់ដែលនៅសេសសល់ ដើម្បីកាត់ទោសអ្នកដែលយើងគួរតែកាត់ទោស»។