អាមេរិក៖ ប្រធានាធិបតីសហរដ្ឋអាមេរិក លោក ចូ បៃដិន បានចាកចេញពីទីក្រុងរ៉ូម ប្រទេសអ៊ីតាលី ជាកន្លែងដែលលោកបានចូលរួមកិច្ចប្រជុំកំពូលប្រទេសមានឧស្សាហកម្មជឿនលឿន G-20 ហើយរូបលោកនឹងបន្តដំណើរទៅកាន់ទីក្រុង ក្លាសហ្គូ ស្កុតលែន ដើម្បីចូលរួមកិច្ចប្រជុំបម្រែបម្រួលអាកាសធាតុលើកទី ២៦របស់អង្គការសហប្រជាជាតិ(UN)។
ប្រមុខរដ្ឋជាង ១៣០នាក់ នឹងឡើងលើវេទិកានៅថ្ងៃចន្ទ និងថ្ងៃអង្គារ នៅកិច្ចប្រជុំអាកាសធាតុអន្តរជាតិ ក្នុងទីក្រុងក្លាសហ្គូ ដើម្បីជជែកគ្នាពីអ្វីដែលប្រទេសរបស់ពួកគេ នឹងត្រូវធ្វើពាក់ព័ន្ធនឹងការគំរាមកំហែងការឡើងកម្តៅផែនដី។
ចាប់ពីលោក បៃដិន រហូតដល់ប្រធានាធិបតី សីសែល លោកវ៉ាវ៉ែល ចន ឆាឡេស រ៉ាំកាឡាវ៉ាន់ ពួកគេនឹងនិយាយពីអ្វីដែលប្រទេសរបស់ពួកគេចង់ធ្វើបំផុត ក៏ដូចជាជំរុញសហសេវិករបស់ពួកគេ ធ្វើអ្វីបន្ថែមទៀត និងបញ្ចេញវោហាសាស្ត្រទូទៅរបស់ពួកគេ។
មេដឹកនាំមហាអំណាចពិភពលោកសំខាន់ៗ រួមទាំងលោកបៃដិន នាយករដ្ឋមន្ត្រីអង់គ្លេស លោក បូរីស ចនសុន នាយករដ្ឋមន្ត្រីឥណ្ឌា លោក ណារ៉េនដ្រា ម៉ូឌី ប្រធានាធិបតីបារាំង លោក អេម៉ានូអែល ម៉ាក្រុង ប្រធានាធិបតីម៉ាល់ឌីវ លោក អ៊ីប្រាហ៊ីម សូលី នឹងឡើងលើវេទិកានៅថ្ងៃចន្ទនេះ៕ អត្ថបទ៖ សារ៉ាត់
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
