ឯកអគ្គរដ្ឋទូតទទួលបន្ទុកបេសកកម្មពិសេសនៃក្រសួងការបរទេសរុស្ស៊ីលោក Rodion Miroshnik បានថ្លែងប្រាប់សារព័ត៌មាន TASS ថា ជនស៊ីវិលរុស្ស៊ីជាង ២៥០នាក់ បានរងរបួស និង ជាង៤០នាក់ បានស្លាប់ នៅក្នុងខែវិច្ឆិកា ដោយសារការវាយប្រហាររបស់កងកម្លាំងប្រដាប់អាវុធអ៊ុយក្រែន។ 

យោងតាមទិន្នន័យដែលប្រមូលបាន និងផ្ទៀងផ្ទាត់ដោយក្រុមការងារពិសេសរបស់លោកឯកអគ្គរដ្ឋទូតស្តីពីឧក្រិដ្ឋកម្មនៃរបបទីក្រុងគីវ កងកម្លាំងប្រដាប់អាវុធអ៊ុយក្រែន បានបាញ់គ្រាប់រំសេវយ៉ាងហោចណាស់ ៥.៧០៨ គ្រាប់ទៅកាន់គោលដៅជនស៊ីវិល នៅលើទឹកដីនៃប្រទេសរុស្ស៊ី ក្នុងខែវិច្ឆិកា ឆ្នាំ២០២៤។ យ៉ាងហោចណាស់ជនស៊ីវិល ២៩៦នាក់ បានធ្លាក់ខ្លួន ជាជនរងគ្រោះនៃអំពើឧក្រិដ្ឋកម្មនៃរបបទីក្រុងគីវ: មនុស្ស ២៥៥នាក់ បានរងរបួស រួមទាំងអនីតិជន ៥នាក់ និងជនស៊ីវិល ៤១នាក់ ត្រូវបានសម្លាប់។

លោក Miroshnik បានសង្កត់ធ្ងន់ថា នៅក្នុងខែវិច្ឆិកា តំបន់ Belgorod បានក្លាយជា«តំបន់មួយដែលរងការបាញ់ច្រើនបំផុត នៅក្នុងតំបន់ជួរមុខ គឺចាប់ពី ៥០ ទៅ ១០០គ្រាប់របស់អ៊ុយក្រែន និងការវាយប្រហារដោយយានអាកាសគ្មានមនុស្សបើក(UAV) ប្រឆាំងនឹងរចនាសម្ព័ន្ធស៊ីវិល នៅក្នុងតំបន់ ត្រូវបានកត់ត្រា ក្នុងមួយថ្ងៃ។