សារព័ត៌មានរដ្ឋ KCNA បានរាយការណ៍ថា កូរ៉េខាងជើង បានរៀបចំពិព័រណ៍សម្លៀកបំពាក់នៅទីក្រុងព្យុងយ៉ាង ។

នៅក្នុងរូបភាពវីដេអូឃ្លីបរបស់ទីភ្នាក់ងារព័ត៌មានរដ្ឋកូរ៉េខាងជើង KCNA ដែលមិនអាចបញ្ជាក់ផ្ទៀងផ្ទាត់ដោយឯករាជ្យបានពីទីភ្នាក់ងារព័ត៌មានរ៉យទ័រ ឃើញភ្ញៀវដើរទិញសម្លៀកបំពាក់រដូវរងា នៅពិព័រណ៍សម្លៀកបំពាក់ឆ្នាំ ២០២៤ ដែលរៀបចំឡើងនៅក្នុងសាលពិព័រណ៍ Okryu ។

KCNA រាយការណ៍ថា សម្លៀកបំពាក់បុរស-ស្រ្តី និងកុមារ និងសម្ភារៈផ្សេងទៀតជាង ៣៧.៧០០ប្រភេទ មកពីក្រុមហ៊ុនតាំងពិព័រណ៍ចំនួន ២០០ក្រុមហ៊ុន ត្រូវបានបង្ហាញ ។

លោក Yun Hong Kil គឺជាឧបការីសមាគមឧស្សាហកម្មកាត់ដេរកូរ៉េខាងជើង និយាយថា វាបានក្លាយជាអត្ថន័យដ៏អស្ចារ្យមួយចំពោះការឆ្នៃបង្កើត និងការផលិតដ៏សកម្មលើវប្បធម៌សម្លៀកបំពាក់ប្រណីត និងតែមួយគត់នៅកូរ៉េខាងជើង ស្របតាមសេចក្តីថ្លៃថ្នូរនៃអរិយធម៌សង្គមនិយម ។

KCNA រាយការណ៍ថា វគ្គបណ្តុះបណ្តាលសម្រាប់ក្រុមមន្រ្តី អ្នកបច្ចេកទេស និងក្រុមអ្នកជំនាញក្នុងវិស័យកាត់ដេរ នឹងធ្វើឡើងផងដែរ អំឡុងពិព័រណ៍មួយនេះ ៕