របាយការណ៍របស់នគរបាលប្រទេសហៃទី បាននិយាយថា ទឹកជំនន់នៅក្រុង Port-de-Paix ភាគខាងជើងប្រទេសហៃទី បណ្តាលឲ្យមនុស្សយ៉ាងហោចណាស់៧នាក់ស្លាប់។

របាយការណ៍បាននិយាយបន្ថែមថា លំនៅឋានជិត៥០០ខ្នង បានរងការបំផ្លាញ ហើយអគារ១១.០០០កន្លែង ត្រូវបានទឹកជន់លិច នៅផ្នែកកណ្តាលទីក្រុង។

អ្នកសម្របសម្រួលកាកបាទក្រហមប្រចាំតំបន់ លោក Gabart Imbert បាននិយាយថា នេះគឺជាស្ថានភាពដ៏អាក្រក់បំផុត ដែលលោកពុំធ្លាប់បានឃើញ នៅក្នុងតំបន់នេះ។

នគរបាលបានដាក់ពង្រាយក្រុមសម្អាតដើម្បីកាយយកដីល្បប់ចេញពីផ្លូវ និងបាននិយាយថាពួកគេកំពុងកៀរគរក្រុមសង្គ្រោះស្ម័គ្រចិត្តដើម្បីឆ្លើយតបនឹងគ្រោះមហន្តរាយនេះ។

បុរសម្នាក់និយាយថា «ទឹកបានហូរចូលផ្ទះ ខ្ញុំមិនអាចដេកបានទេ។ ខ្ញុំបានព្យាយាមបាចទឹកចេញ ប៉ុន្តែវាជនលិចខ្លាំងពេកនៅខាងក្នុង ខ្ញុំបានបាត់បង់របស់របរជាច្រើន។ លោកនិយាយថា ប្អូនថ្លៃរបស់លោក បងស្រីច្បង និងកូនស្រីតូចរបស់លោក កំពុងស្ថិតនៅក្នុងមន្ទីរពេទ្យនៅឡើយ ហើយលោក បានបាត់បង់ឪពុក ក្នុងពេលទឹកជំនន់។