ទូរទស្សន៍ Al Jazeera បានប៉ះទង្គិចជាមួយអាជ្ញាធរប៉ាឡេស្ទីន ជុំវិញការរាយការណ៍របស់ខ្លួនអំពីការប្រឈមមុខដាក់គ្នារយៈពេលជាច្រើនសប្តាហ៍រវាងកងកម្លាំងសន្តិសុខប៉ាឡេស្ទីន និងក្រុមយុទ្ធជនសកម្មប្រយុទ្ធ នៅទីក្រុង Jenin នៃតំបន់វេសបែងដែលគ្រប់គ្រងដោយអ៊ីស្រាអែល។

Fatah ជាក្រុមប្រឆាំងដែលគ្រប់គ្រងអាជ្ញាធរប៉ាឡេស្ទីន បានថ្កោលទោសបណ្តាញដែលមានទីស្នាក់ការ   កណ្តាល នៅប្រទេសកាតា ដែលបានរាយការណ៍យ៉ាងទូលំទូលាយអំពីការប៉ះទង្គិចគ្នា នៅទីក្រុង Jenin ដោយនិយាយថា សារព័ត៌មាននេះ កំពុងផ្សព្វផ្សាយការបែងចែក នៅក្នុង «ទឹកដីកំណើតអារ៉ាប់របស់យើងជាទូទៅ និងនៅក្នុងប៉ាឡេស្ទីនជាពិសេស»វាបានលើកទឹកចិត្តប៉ាឡេស្ទីនកុំឲ្យសហការជាមួយបណ្តាញនេះ។

អ៊ីស្រាអែល បានបិទប្រតិបត្តិការរបស់ទូរទស្សន៍ Al Jazeera នៅអ៊ីស្រាអែល កាលពីខែឧសភា ដោយនិយាយថា វាគំរាមកំហែងដល់សន្តិសុខជាតិ។ នៅក្នុងខែកញ្ញា ប្រទេសនេះ បានបញ្ជាឲ្យការិយាល័យរបស់បណ្តាញសារព័ត៌មាននេះ នៅទីក្រុងរ៉ាម៉ាឡា (Ramallah) បិទអស់រយៈពេល ៤៥ថ្ងៃ បន្ទាប់ពីការវាយតម្លៃស៊ើបការណ៍ថា ការិយាល័យទាំងនោះ ត្រូវបានប្រើប្រាស់ ដើម្បីគាំទ្រសកម្មភាពភេរវកម្ម។

នៅក្នុងសេចក្តីថ្លែងការណ៍មួយកាលពីថ្ងៃអង្គារ អ៊ីស្រាអែល បាននិយាយថា៖«Al Jazeera បានរក្សាបាននូវជំនាញវិជ្ជាជីវៈរបស់ខ្លួនដោយជោគជ័យ តាមរយៈការរាយការណ៍អំពីព្រឹត្តិការណ៍ ដែលបានកើតឡើង នៅក្នុងទីក្រុងJenin»។

កងកម្លាំងសន្តិសុខរបស់អាជ្ញាធរប៉ាឡេស្ទីន បានប្រយុទ្ធជាមួយក្រុមយុទ្ធជនឥស្លាម នៅទីក្រុង Jenin ខណៈដែលពួកគេ ព្យាយាមគ្រប់គ្រងមជ្ឈមណ្ឌលសកម្មប្រយុទ្ធប្រវត្តិសាស្ត្រមួយ នៅតំបន់វេសបែង មុនពេលមានការរង្គោះរង្គើនៅក្នុងនយោបាយប៉ាឡេស្ទីន បន្ទាប់ពីសង្គ្រាមមហ្កាហ្សា។