ក្រុមជួយសង្គ្រោះស៊ីរីនិងសកម្មជន ស៊ីរី បានប្រាប់សារព័ត៌មាន AFP កាលពីថ្ងៃពុធ ទី២៥ ខែធ្នូ ថា ទីបញ្ចុះសពមួយកន្លែងនៅខាងក្រៅទីក្រុងដាម៉ាស ទំនងជាផ្នូរដ៏ធំរបស់អ្នកជាប់ឃុំ ដែលត្រូវបានឃុំខ្លួនក្រោមរបបអតីតប្រធានាធិបតី លោក Bashar al-Assad និងអ្នកប្រយុទ្ធ ដែលត្រូវបានសម្លាប់ក្នុងសង្គ្រាមស៊ីវិល។

នៅក្នុងតំបន់ដែលមានជញ្ជាំង មានទីតាំងនៅជិតស្ពានទីក្រុងបាដាដ ចម្ងាយប្រហែល៣៥គីឡូម៉ែត្រ ពីរដ្ឋធានី អ្នកសារព័ត៌មាន AFP ដែលទៅពិនិត្យមើលទីតាំងនោះ បានឃើញជួរផ្នូរដ៏វែងមានជម្រៅជាងមួយម៉ែត្រ ភាគច្រើនគ្របដោយគម្របស៊ីម៉ងត៍។

បន្ទះគម្របជាច្រើនត្រូវបានរើចេញ ហើយនៅខាងក្នុង ថង់ពណ៌ស អាចត្រូវបានគេមើលឃើញដាក់គរលើគ្នាដោយមានឈ្មោះ និងចំនួនត្រូវបានសរសេរនៅលើនោះ។ ថង់មួយ មានលលាដ៍ក្បាល និងឆ្អឹងមនុស្ស។

លោក Abdel Rahman Mawas មកពីក្រុមជួយសង្គ្រោះ White Helmets ដែលបានទៅពិនិត្យមើលទីតាំងជាច្រើនកន្លែង និយាយថា «យើងគិតថា នេះជាផ្នូរដ៏ធំ ដែលយើងបានរកឃើញផ្នូរបើកចំហ មានថង់ចំនួនប្រាំពីរពេញដោយឆ្អឹងមនុស្ស។