ពលរដ្ឋរុស្ស៊ី ដែលបានរងរបួសក្នុងហេតុការណ៍ធ្លាក់យន្តហោះរបស់ក្រុមហ៊ុនអាកាសចរណ៍អាស៊ែបៃហ្សង់នៅប្រទេសកាហ្សាក់ស្ថាន ត្រូវបាននាំមកកាន់ទីក្រុងម៉ូស្គូវិញនៅថ្ងៃព្រហស្បតិ៍នេះ តាមជើងហោះហើររបស់យន្តហោះក្រសួងសង្រ្គោះបន្ទាន់រុស្ស៊ី ។

ក្រសួងសង្រ្គោះបន្ទាន់រុស្ស៊ី និយាយនៅក្នុងសេចក្តីថ្លែងការណ៍ថា ពលរដ្ឋរុស្ស៊ី ៩នាក់ រួមទាំងកុមារ ម្នាក់ដែលបានរស់រានពីការធ្លាក់យន្តហោះក្នុងជើងហោះហើរ J2-8243 របស់ក្រុមហ៊ុនអាកាសចរណ៍អាស៊ែបៃហ្សង់ ត្រូវបាននាំមកកាន់ទីក្រុងម៉ូស្គូវិញ អមដំណើរដោយក្រុមគ្រូពេទ្យ ។

យន្តហោះដឹកអ្នកដំណើរ Embraer EMBR3.SA បានធ្លាក់នៅជិតទីក្រុង Aktau ប្រទេសកាហ្សាក់ស្ថានកាលពីថ្ងៃពុធ ដោយបានសម្លាប់មនុស្ស ៣៨នាក់ ។ អ្នករស់រាន ២៩នាក់ ត្រូវបាននាំទៅកាន់មន្ទីរពេទ្យនៅទីក្រុង Aktau ។

ជើងហោះហើររបស់ក្រុមហ៊ុនអាកាសចរណ៍អាស៊ែបៃហ្សង់ពីទីក្រុង Baku ទៅកាន់ទីក្រុង Grozny ហោះហើរបានចម្ងាយរាប់រយម៉ៃល៍តាមផ្លូវហោះហើរកំណត់របស់វា មុនពេលធ្លាក់ក្នុងទិសដៅផ្ទុយគ្នានៅជិតតំបន់ឆ្នេរសមុទ្រ Caspian គឺជាការធ្លាក់មួយដែលក្រុមឃ្លាំមើលអាកាសចរណ៍រុស្ស៊ី និយាយថា ការចុះចតបន្ទាន់នេះ អាចបណ្តាលមកពីការវាយប្រហាររបស់សត្វស្លាប បើទោះបីជាក្រុមអ្នកជំនាញអាកាសចរណ៍ លើកឡើងថា វាទំនងជាមិនបណ្តាលមកពីករណីបែបហ្នឹងក៏ដោយ ៕