អគ្គនាយកដ្ឋានអន្តោប្រវេសន៍ បានអះអាងថា ក្នុងរយៈពេលបួនឆ្នាំកន្លងមកនេះ ពោល​គឺ​ចាប់​ពី​ឆ្នាំ​២០១៩ ដល់ឆ្នាំ២០២៣ បានធ្វើការបណ្តេញចេញជនបរទេសល្មើសច្បាប់ពីប្រទេសកម្ពុជា ចំនួន​១៤.២៥២នាក់ មកពី១០៧សញ្ជាតិ។

យោងតាមរបាយការណ៍របស់អគ្គនាយកដ្ឋានអន្តោប្រវេសន៍ បានលើកឡើងថា ដើម្បីទប់ស្កាត់ និង​កាត់​បន្ថយឲ្យបានជាអតិបរមាណ នូវជនបរទេសខុសច្បាប់ បទល្មើសអន្តោប្រវេសន៍ និង​បទ​ឧក្រិដ្ឋ​ឆ្លងដែនធានាបាននូវសន្តិសុខ សណ្តាប់ធ្នាប់សាធារណៈ និងសុវត្ថិភាពសង្គម អគ្គនាយក បាន​បន្ត​ខិតខំបង្កើនប្រសិទ្ធភាពលើប្រធានការប្រមូល ផ្លាស់ប្តូរព័ត៌មាន ស្រាវជ្រាវ និងស៊ើប​អង្កេត​ជា​ប្រចាំ ដើម្បីស្វែងរក ជនបរទេសប្រព្រឹត្តល្មើស និងជនពាក់ព័ន្ធ​ដែល​មាន​ជា​អាទិ៍​សកម្មភាព​លួច​ជ្រៀត​ចូល​ដោយខុសច្បាប់ តាមច្រកសមុទ្រ និងតាមរបៀងព្រំដែនគោក មកធ្វើការខុសច្បាប់ ដែល​នាំ​ឲ្យមានសកម្មភាពជួញដូរមនុស្ស ជួញដូរពលកម្ម ការបង្ខាំងមនុស្សធ្វើពលកម្មហួសម៉ោង និង​ទារុណកម្ម ស្នាក់នៅហួសរយៈពេល កំណត់ ការប្រកបការងារដោយគ្មានបណ្ណការងារ និង​ការ​គេច​មក​លាក់ខ្លួនរបស់ជនល្មើសដែលប្រព្រឹត្តខុសច្បាប់នៅប្រទេសផ្សេងៗជាដើម។

ពាក់ព័ន្ធនឹងកិច្ចការនេះ អគ្គនាយករដ្ឋានអន្តោប្រវេសបានបញ្ជាក់ថា ចាប់តាំងពីឆ្នាំ២០១៩ ដល់ ឆ្នាំ២០២៣ អគ្គនាយកដ្ឋាន​បាន​ស្រាវ​ជ្រាវ​រក​ឃើញ​ជន​បរទេស​ប្រព្រឹត្ត​ល្មើស​ច្បាប់​អន្តោ​ប្រវេសន៍​សរុប​ចំនួន១៤.១៤៧នាក់មាន៨៨សញ្ជាតិ ជនបរទេសប្រព្រឹត្តបទល្មើសព្រហ្មទណ្ឌ សរុប​ចំនួន​ ៣.០៨៥​នាក់​មកពី២៨សញ្ជាតិ និងបានធ្វើការឃាត់​ខ្លួន​បណ្តេញ​ចេញ​ជន​បរទេស​ល្មើស​ច្បាប់​ពី​ប្រទេស​កម្ពុជា​ចំនួន ១៤.២៥២នាក់មកពី១០៧សញ្ជាតិ៕ អត្ថបទបាន ចក់